Unglingalandsmóti lýkur í kvöld með flugeldasýningu
Það er runninn upp lokadagur Unglingalandsmótsins á Sauðárkróki og ekki væsir um keppendur og gesti veðrið hefur heldur betur verið með þeim í liði, aðeins á föstudaginn sem dimmt var yfir og þokuloft en annars bara glampandi sól og nauðsynlegur norðanandvari til kælingur. Að sögn Pálínu Óskar í móttstjórn hefur mótshaldið gengið ljómandi vel og skráningar í allar greinar skilað sér vel. Hún segir gleðilegt að þátttaka sé góð í öllum greinum og sömuleiðis í þeirri afþreyingu sem boðið er upp á.
„Ég held það hafi verið 104 þátttakendur í skákinni, tröppuhlaupið var í þrjá tíma en þar vorum við að prófa nýja hluti og vissum ekki hversu mikil mæting yrði. Það er einhvernveginn búin að vera góð mæting allsstaðar og það er búið að vera svo geggjað alla helgina.“ Pálína nefnir að um 60 manns hafi tekið þátt í fjöruhlaupinu og í raun gríðarlega góð mæting í afþreyingu fyrir alla fjölskylduna en það er gríðarlega mikið framboð fyrir alla á Ungliingalandsmótinu.
Pálína segir dagskrána fullpakkaða frá morgni til kvölds og nefnir sérstaklega hestafimleika sem verða sunnan við Hótel Miklagarð (heimavist FNV) og hefjast kl. 14. Í kvöld verður sundlaugarpartý með dúndrandi tónlist, tónlistarveisla með snillingunum Eysteini, Lillý og Reyni Snæ hefst á íþróttasvæðinu kl. 22 og mótsslit verða kl. 23 og í framhaldiinu glæsileg flugeldasýning. Íbúar og gestir eru að sjálfsögðu hvattir til að mæta á svæðið og upplifa stemninguna og lokaandartök mótsins.
Dagskrá fyrir alla
Morguninn hófst með keppni í körfu, frjálsum og hjólreiðum í Sauðárgili en dagskrána má sjá með því að smella hér. Heilmikil dagskrá er einnig í boði fyrir þá sem ekki eru skráðir til leiks og að kostnaðarlausu eins og sjá má hér að neðan.
Morguninn hófst Fjölbreytt framboð viðburða er á Unglingalandsmótinu í dag án skráninga og ykkur að kostnaðarlausu.
Opnir viðburðir
10-11 Fótboltafjör 7-8 ára
11-12 Fótboltafjör 9 - 10 ára
12:15-13:00 Sabína Steinunn Halldórsdóttir heldur fyrirlestur um það hvernig við getum eflt hreyfifærni, skynþroska og vellíðan barna
13:00-13:40 Hvolpasveitin kemur í heimsókn
14:00-15:00 Hestafimleikar
14:00- 17:00 Ævintýragarður skátanna
18:00-19:0 Sandkastalagerð í fjörunni
18:00-20:00 Foreldrablak
19:00- 21:00 Sundlaugarpartý með tónlist.
21:00-22:00 Tónlist: Úlfur Úlfur og Reynir Snær - brekkusöngur með Lillý og Eysteini
23:00 Mótsslit
23:15 Flugeldasýning
Fleiri fréttir
-
Ungmennafélagið Fram á Skagaströnd fær styrk til strandhreinsunar
feykir.is Austur-Húnavatnssýsla, Mannlíf 02.08.2026 kl. 11.36Ungmennafélagið Fram á Skagaströnd hefur fengið 733 þúsund króna styrk frá Umhverfis- og orkustofnun til strandhreinsunar. Húnahornið segir frá því að stofnunin úthlutaði styrkjum nýverið til 18 verkefna en umsóknir voru 24 talsins. Heildarfjárhæð styrkjanna er tæplega 30 milljónir króna og eru þeir veittir á grundvelli aðgerðar 17 í aðgerðaráætlun umhverfis- og auðlindaráðuneytisins í plastmálefnum Úr viðjum plastsins. Sjá má alla styrkthafa hér.Meira -
Freistað með okkar eigin peningum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 02.08.2026 kl. 10.39Við fáum gjarnan að heyra það úr ranni Evrópusambandssinna að með því að ganga í Evrópusambandið gætum við fengið alls kyns styrki frá sambandinu. Lofað er gulli og grænum skógum í þeim efnum. Ekkert er hins vegar minnzt á það að komi til inngöngu Íslands í Evrópusambandið myndum við greiða meira í sjóði sambandsins en fengist til baka í hvers kyns styrki vegna hárra þjóðartekna hér á landi miðað við ríki þess. Munar þar mörgum milljörðum króna árlega. Með öðrum orðum er verið að freista okkar með okkar eigin peningum. Væri ekki nær að nota þá fjármuni hér innanlands?Meira -
Fjör fram á síðustu stundu
feykir.is Skagafjörður, Íþróttir, Lokað efni 02.08.2026 kl. 10.09Mikið líf og fjör hefur verið á Sauðárkróki undanfarna daga og gleðin heldur áfram í dag, en nú er komið að lokadegi Unglingalandsmótsins. Helgin hefur heppnast með glæsibrag og eru bæði gestir og heimafólk í skýjunum með mótið. Nú er bara að halda jákvæðninni og stuðinu áfram fram á síðustu stundu.Meira -
"Það er aldrei gott að airball-a" segir Stefán Þór íþróttagarpur
feykir.is Skagafjörður, Íþróttir, Lokað efni 01.08.2026 kl. 14.29Stefán Þór Kemp, körfubolta kappi er sonur þeirra Rakelar Kemp Guðnadóttur og Maríu Önnu Kemp Guðmundsdóttur. Hann er elstur af sínum bræðrum, yngri bræður hans heita Daníel Örn og Guðni Freyr. Stefán ólst upp á Reyðafirði áður en hann flutti á Krókinn þar sem hann býr í dag. Lífsmottóið hans er, að verða betri en ég var í gær.Meira
