Unglistahátíðina Eldur í Húnaþingi hefst í dag

feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 24.07.2013 kl. 10.34
Unglistahátíðina Eldur í Húnaþingi hefst í dag
Unglistarhátíðin Eldur í Húnaþingi hefst í dag og stendur hún fram á laugardagkvöld. Hátíðin hefur verið haldin ár hvert síðan árið 2003. Nánast öll vinna við undirbúning hátíðarinnar er unnin í sjálfboðavinnu af íbúum í héraðinu. Margt fólk úr ólíkum áttum hefur komið að skipulagningu hátíðarinnar ár hvert og hafa margar skemmtilegar og frumlegar hugmyndir litið dagsins ljós. Samt sem áður hefur ákveðin hefð skapast í kringum hátíðina og eru þar ákveðnir viðburðir sem skipað hafa sér fastan sess.

 

Hátíðin er sett á miðvikudagskvöldinu þar sem unglistareldurinn er tendraður ásamt því að á dagskrá er fjöldinn allur af fjölbreyttum skemmtiatriðum. Skemmtileg stemning og kjötsúpa í boði fyrir gesti og gangandi.

Einn helsti atburður hátíðarinnar eru tónleikar í Borgarvirki á föstudagskvöldinu. Borgarvirki er ein af fallegustu náttúruperlum í Húnaþingi vestra og hafa tónlistarmenn eins og Ragga Gísla, Steini (úr Hjálmum), KK, Egill Ólafsson og Hörður Torfa komið þar fram undir berum himni. Að þessu sinni mun hin efnilega söngkona Ragnheiður Gröndal koma fram en einnig verður stomp undir stjórn Daníels Geirs Sigurðssonar. Eftir Borgarvirki verða tónleikar í Félagsheimilinu á Hvammstanga með Hjálmum.

Melló Músíka er einnig fastur liður á hátíðinni þar sem tónlistarmenn úr sýslunni spila lög eftir sig og aðra. Markmiðið er að eiga saman ljúfa kvöldstund og hlusta á góða tónlist. Eftir flutning heimamanna tekur hljómsveit við og spilar fram á nótt. Í ár munu hljómsveitirnar Gamli og Valdingjarnir og Famina Fatura sjá um að skemmta tónlistarþyrstum almúganum.

Fjölskyldudagurinn er haldinn hátíðlegur á laugardeginum og þar geta allir fundið eitthvað við sitt hæfi. Þar má meðal annars finna hoppikastala, sápufótboltakeppni, fyrirtækjakeppni, tónlistaratriði og margt fleira. Veitingar verða á staðnum. Á fjölskyldudeginum hefur alltaf skapast skemmtileg stemning og hefur veðrið ekki skemmt fyrir undanfarin ár.

Að kvöldi laugardags eru haldin tvö böll í Félagsheimilinu á Hvammstanga. Fyrra ballið er barna- og unglingaball og seinna ballið er svo fyrir 16 ára og eldri. Hingað til hafa hljómsveitir á borð við Bermúda, Í svörtum fötum, Sniglabandið og Skítamórall leikið fyrir dansi. Buff mun sjá um að halda uppi stuðinu í ár.

Ofaná þessa fasta liði, er margt fleira skemmtilegt í boði á meðan á hátíðinni stendur. Þar má nefna Flugdrekanámskeið, zumba partý, förðunarnámskeið, listasýningar, Útvarp Unglist, tónleika í kirkjunni, heimsmeistaramót í Kleppara, íþróttamót og annað sprell. Húni.is segir frá þessu.

Dagskrá unglistahátíðarinnar má sjá hér.

Til baka

Fleiri fréttir

  • Bjarni Jónasson sýnir Dís frá Ytra-Vallholti á Hólum fyrir nokkrum árum.

    Kynbótasýning á Hólum, Önnur tilraun

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01 bladamadur@feykir.is
    Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.
    Meira
  • Húnabyggð open 2025

    Skákmótið Húnabyggð Open 2025

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15 bladamadur@feykir.is
    Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.
    Meira
  • Húnvetningar fagna sætum sigri í gær. SKJÁSKOT AF AÐDÁENDASÍÐU KORMÁKS

    Víðismenn í vandræðum á Blönduósi

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24 oli@feykir.is
    Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.
    Meira
  • Jóhann Daði klár í slaginn. MYND AF FACEBOOK

    Uppskriftir að hætti Jóhanns Daða

    feykir.is Skagafjörður, Í matinn er þetta helst 15.06.2025 kl. 10.00 siggag@nyprent.is
    Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.
    Meira

  • Níu marka veisla á Sauðárkróksvelli

    feykir.is Skagafjörður, Íþróttir, Lokað efni 14.06.2025 kl. 21.17 oli@feykir.is
    Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.
    Meira
Yfirlit frétta