Ungt framsóknarfólk telur að gróflega sé vegið að byggðaþróun Austur Húnavatnssýslu
Félag ungs framsóknarfólks í Húnavatnssýslum mælist til þess að aðildarviðræðum um ESB verði slitið án tafar þar sem kannanir sýna að meirihluti landsmanna er á andvígir þeim. Telur það að þeim fjármunum sem varið er til þessa málaflokks verði betur varið til málefnastarfs hér innanlands svo sem til uppbyggingar heilbrigðisþjónustu á landinu og skólamála ásamt almennri atvinnuuppbyggingu um allt land.
Aðalfundur haldinn á Hvammstanga þann 6.4.2011 sendi frá sér eftirfarandi ályktun:
Félag ungs framsóknarfólks í Húnavatnssýslum mælist til þess að Vegagerðin og ríkið dragi til baka hugmyndir sýnar um styttingu þjóðvegar 1 um Austur Húnavatnssýslu, svokallaða Svínavatnsleið. Rök ríkis með þessu eru þau að þjóðvegur 1 til Akureyrar muni styttast um 14 kílómetra og ferðatíminn um 7 mínútur. Teljum við að gróflega sé vegið að byggðaþróun Austur Húnavatnssýslu með þessum hugmyndum. Flutningafyrirtæki hafa talað um að sparnaður þessarar styttingar yrði lítill sem enginn vegna þeirra brekkna sem fyrir yrðu. Frekar ætti að stytta veginn út úr Reykjavík með Sundabraut þar sem hún myndi þjóna mun fleirum en Akureyringum einum. Einnig má beina þeim tilmælum til Vegagerðar og ríkis að eyða þessum fjármunum sem þeim langar til að eyða í þetta gæluverkefni sitt að veita þeim til viðhalds vega í báðum Húnavatnssýslum, breikka núverandi þjóðveg 1 og laga þá málarvegi sem eru til staðar þar sem þeir þjóna ekki því umferðaröryggi sem til þeirra er ætlast.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
