Út er komin bókin Línurnar lagðar í Skagafirði
Út er komin bókin Línurnar lagðar í Skagafirði – Sögur af símaflokki Þórðar Sighvats en höfundur er Ágúst Guðmundsson – Gústi Munda – sagnfræðigrúskari. Í tilefni af útgáfunni er viðtal við höfundinn í Feyki vikunnar og fimmtudaginn 25. júní verður útgáfuhóf á Kaffi Krók (neðri sal) á Sauðárkróki og hefst teitið kl. 16. Lesið verður upp úr bókinni sem verður boðin til sölu fyrir kr. 6.000(ekki verður posi á staðnum) auk þess sem boðið verður upp á kaffi og með því.
Fyrri hluti ritsins nefnist Línurnar lagðar í Skagafirði og segir þar frá þegar loftlínur voru lagðar um héraðið, baráttu bænda til að fá símann lagðan heim til sín, símstöðvum og hverjir önnuðust þær, Talsímafélagi Sauðárkróks, símadömum og fleiru.
Síðari hlutinn fjallar um símaflokk Þórðar Sighvats, sem annaðist nýlagnir og viðhald símalína í Skagafirði og víðar eins og í Eyjafirði, Þingeyjarsýslum, Húnaþingi og jafnvel við Ísafjarðardjúp. Margar sögur eru af símakörlunum. Í bókinni segir frá loftlínum, símtólum og tækni sem nú er horfin af sjónarsviðinu . Koma símans er merkilegur hluti af sögu Skagfirðinga og því þótti ástæða til að halda henni til haga.
„Bókarskrifin stóðu yfir í rúm þrjú ár með hléum,“ sagði Ágúst þegar Feykir spurði hann hversu lengi hann hefði unnið að gerð bókarinnar. Fyrir fimm árum gaf hann út bókina Árið 1971 á Sauðárkróki í tilefni af 100 ára afmæli Sauðárkróks en sú bók er svo gott sem uppseld.
Nýprent annaðist uppsetningu og myndvinnslu en bókin er prýdd fjölda ljósmynda. Prentmiðlun hafði umsjón með prentun. Kaupfélag Skagfirðinga, FISK Seafood og Vörumiðlun styrktu útgáfuna og eru forráðamönnum þessara fyrirtækja færðar kærar þakkir fyrir stuðninginn.
Fleiri fréttir
-
Myndi rústa mömmu sinni í einn-á-einn
feykir.is Skagafjörður, Íþróttir, Lokað efni 23.06.2026 kl. 13.37Bjarklind Ingibjörg Káradóttir er íþróttagarpur vikunnar. Hún er 13 ára Króksari og með körfubolta í blóðinu, enda sést það þegar hún spilar að baráttan skín í gegn. Bjarklind er dóttir þeirra Hrafnhildar Sonju og Kára Marísson. Hún á fjögur eldri systkini en þau eru María, Kristín, Arnar og Axel, auk þess á hún yngri bróðir sem heitir Marís. Lífsmottóið hennar er: Æfingin skapar meistarann. Það lýsir Bjarklind mjög vel þar sem hún leggur sig alla fram í öll hennar verkefni. Feykir hafði samband við hana og fékk hana til þess að vera íþróttagarpur vikunnar.Meira -
Rabb-a-babb 249: Ásthildur ÓM
feykir.is Skagafjörður, Rabb-a-babb, Lokað efni 23.06.2026 kl. 13.36Rabbið kíkir til Kristianstad í Svíþjóð í þetta skiptið en þar býr dóttir Maríu Bjarkar og Ómars Braga, Ásthildur Ómaríudóttir, eins og hún segir sjálf. Ásthildur, sem er nú lofuð Magnúsi Orra Sigþórssyni, er fædd árið 2000, alin upp í Túnahverfinu á Króknum allt þar til hún fluttist á heimavist Menntaskólans á Akureyri. Síðan er hún heldur betur búin að bralla eitt og annað og meðal annars sem þáttastjórnandi á sjónvarpsstöðinni N4.Meira -
Kirkjukór Hólaneskirkju hélt sumartónleika
feykir.is Austur-Húnavatnssýsla, Listir og menning 23.06.2026 kl. 11.53Fimmtudaginn 18. júní hélt kirkjukór Hólaneskirkju á Skagaströnd sumartónleika. Vel var mætt og var þemað fuglasöngur en í frétt á vef sveitarfélagsins segir að það sé ekki sjálfsagt að 460 manna sveitarfélagi eigi svona marga hæfileikaríka söngvara.Meira -
Það var frábær stemning á Hofsósi um helgina
feykir.is Skagafjörður, Mannlíf, Lokað efni 23.06.2026 kl. 11.12Bæjarhátíðin Hofsós heim fór fram síðastliðna helgi og mikið líf og fjör var í bænum. Viðburðir hátíðarinnar voru afar vel sóttir og íbúar og gestir voru hæst ánægðir með helgina.Meira
