Utís menntaráðstefnan haldin á Sauðárkróki í sjötta sinn
Síðastliðinn föstudag fjölmenntu kennarar og skólastjórnendur á Utís menntaráðstefnuna á Sauðárkróki sem Ingvi Hrannar Ómarsson hefur veg og vanda af. Að þessu sinni mættu um 190 kennarar og skólastjórnendur frá u.þ.b. 70 skólum landsins til leiks en níu erlendir fyrirlesarar og þrír íslenskir voru með fyrirlestra og vinnustofur. Ráðstefnan stóð yfir í þrjá daga og tókst með miklum ágætum.
„Utís tókst mjög vel, skipulagið hjá Ingva Hrannari var algjörlega til fyrirmyndar að öllu leiti,“ tjáði Álfhildur Leifsdóttir Feyki en hún kennir við Árskóla og hefur ásamt fleirum aðstoðað Ingva Hrannar við framkvæmd þessa magnaða menntaviðburðar sem Utís er.
Hvað var helst tekið fyrir að þessu sinni? „Það var mikil fjölbreytni í boði, bæði hvernig hægt er að nýta tækni til náms en ekki síður hvernig er hægt að bæta líðan nemenda og áhuga á námi óháð tækni. Utís ráðstefnurnar hafa síðustu ár færst frá því að vera tæknimiðaðar yfir í að vera nemendamiðaðar, sem er vel.“
Nú er ekki annað að sjá en að þátttakendur elski Utís, hver er galdurinn við þessa ráðstefnu? „Galdurinn er krafturinn og orkan sem verður til í þessum hópi skólafólks. Það er svo magnað að hitta aðra sem brenna líka fyrir starfinu sínu og vilja breytingar í skólastofurnar til að koma enn betur til móts við þarfir nemenda sinna. Tengslanetið stækkar og þessir kennarar halda áfram að deila þekkingu og reynslu sín á milli. Það vilja allir verða partur af þessari frábæru vegferð,“ segir Álfhildur.
Um 300 kennarar og skólafólk á biðlista
„Þetta var geggjað!“ sagði höfuðpaurinn, Ingvi Hrannar, stofnandi og skipuleggjand Utís, þegar Feykir hafði samband. „Og gaman að gera þetta í Skagafirði og fá hingað níu erlenda fyrirlesara.“ Fyrirlesararnir voru einnig með fræðslu fyrir kennara og starfsfólk grunnskólanna í Skagafirði á fimmtudaginn en þá var starfsdagur í skólunum. Aðspurður um hvort Covid hafi flækst fyrir viðburðinum segir Ingvi að allir þátttakendur hafi verið með grímur, allir farið í hraðpróf og allir komu bólusettir. „Og fullt annað sem flækir þetta eins og hvernig við afgreiðum mat, hugsa um að hafa sem minnst af sameiginlegum snertiflötum, spritt, allir fengu sína margnota bolla, allir með merktar grímur o.s.frv.“
Það er talsverð innspýting inn í samfélagið þegar stór ráðstefna eins og Utís er haldin á svæðinu en Ingvi nefnir til dæmis að þátttakendur hafi gist á Hótel Tindastóli, Miklagarði, Grand-inn Guesthouse, 10b Guesthouse, Hótel Varmahlíð, Karuna Guesthouse og á Hofsstöðum.
Sjá mátti á viðbrögðum þátttakenda á samfélagsmiðlum að þeir gátu vart leynt ánægju sinni með þennan menntaviðburð en Ingvi Hrannar segir að það sé umsóknarferli og um 300 kennarar séu á biðlista eftir þátttöku á Utís.
Hægt er að kíkja á viðbrögð við Utís á Twitter > #utis2021
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.