Vatnsdæla á refli – fyrstu sporin
Undanfarin tvö ár hefur verið unnið markvisst að því að endurvekja Vatnsdæla sögu á nýjan hátt með því að segja söguna, á refli í líkingu við Bayeux refilinn sem saumaður var á 11. öld. Fyrsta sporið verður tekið á opnun refilsins þ. 16. júlí kl. 12:00 í Íþróttahúsinu á Blönduósi.
Refillinn verður rúmlega 45m á lengd og er hann úr hör en allt útsaumsgarn í hann er úr sérvaldri íslenskri lambsull. Bandið var spunnið og litað í Ístex. Nemendur hönnunar- og grafíkdeildar Listaháskóla Íslands hönnuðu teikningarnar, undir stjórn Kristínar Rögnu Gunnarsdóttur listamanns og kennara.
Hugmyndina að verkefninu á Jóhanna E. Pálmadóttir á Akri og hefur hún, ásamt Landnámi Ingimundar gamla og Textílsetri Íslands, staðið að undirbúningi þess.
Markmiðið er að endurvekja og kenna refilsaum sem er talinn séríslenskur útsaumur. Fólki verður gefinn kostur á að setja spor sín í refilinn, námskeið verða haldin og þannig er verkefninu ætlað að efla menningartengda ferðaþjónustu í héraðinu. Hugsunin er að sem flestir taki þátt í verkefninu með því að setja spor sitt í söguna okkar. Skemmtilegt er til þess að hugsa að allir Húnvetningar settu spor sitt í refilinn og flyttu þannig okkar gömlu sögu, Vatnsdælu, inn í framtíðina segir Jóhanna.
Á sunnudeginum verður reflinum komið fyrir í Kvennaskólanum á Blönduósi og verður opið alla daga til 15. ágúst, frá kl. 13:00-17:00. Gestum er gefinn kostur á að setja spor sitt í verkið gegn gjaldi og þar með í söguna sjálfa. Fyrsta klukkustundin kostar 2.000.- og þar eftir hver kl.st. 1.500.- Fær viðkomandi nafn sitt í bók sem fylgja mun reflinum.
Einnig er gefinn kostur á að borga umsjónarmanni fyrir að sauma fyrir sig og kostar hver klst. 5.000.- og nafn gefandans kemur líka í bókina góðu. Að öðru leyti er allur stuðningur vel þegin.
Móttaka hópa til sauma verður samkvæmt samkomulagi. Stefnt er að því að sumaropnun næsta ár hefjist 15. júní. 2012
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
