Vaxandi sunnanátt með gulri viðvörun
Veðurstofa Íslands hefur gefið út gula viðvörun vegna veðurs fyrir Breiðafjörð, Vestfirði, Strandir og Norðurland vestra, Norðurland eystra og Suðausturland en búist er við suðvestan storm í kvöld og nótt 15-23 metra á sekúndu með rigningu og hviðum að 40 m/s. Það þýðir að varasamt getur verið fyrir ökutæki sem taka á sig mikinn vind að vera á ferðinni.
„Útlit er fyrir hvassa vindstrengi á norðanverðu Snæfellsnesi undir kvöld með hviðum staðbundið kringum 35 m/s. Slíkur vindur getur verið varasamur, sérílagi fyrir ökutæki sem eru viðkvæm fyrir vindi. Talsverð rigning á vestanverðu landinu í nótt og á morgun, en dregur úr vætunni seint annað kvöld. Áfram má búast við vatnavöxtum, „segir í athugasemd veðurfræðings.
Á spásvæði Stranda og Norðurlands vestra er gert ráð fyrir sunnan 5-10 og léttskýjuðu, en vaxandi sunnanátt seinnipartinn, 10-15, en hvassari á Ströndum. Skýjað og úrkomulítið í kvöld. Bættir í úrkomu eftir hádegi á morgun en léttir til annað kvöld. Hiti 11 til 16 stig.
Veðurhorfur á landinu næstu daga
Á föstudag:
Suðvestan 10-15 á norðan- og austanverðu landinu og hvassari í fyrstu, en 5-10 annars staðar. Víða léttskýjað. Hiti yfirleitt 12 til 17 stig, en hiti allt að 23 stigum á Norðaustur- og Austurlandi.
Á laugardag:
Sunnan 5-13 og dálítil rigning eða súld með hita 10 til 15 stig, en hægari og léttskýjað um norðaustanvert landið og hiti 16 til 22 stig.
Á sunnudag:
Suðaustlæg átt 5-10 m/s og dálítil rigning sunnan- og vestantil, en hæg breytileg átt, þurrt og bjart norðaustan- og austanlands. Hiti breytist lítið.
Á mánudag:
Suðaustlæg átt og bjart með köflum, en úrkomulítið sunnan- og vestanlands. Hiti víða 13 til 18 stig.
Á þriðjudag:
Útlit fyrir norðaustlæga átt. Skýjað og rigning eða súld um norðvestanvert landið og hiti 8 til 13 stig, en víða bjartviðri annars staðar og 13 til 18 stiga hiti.
Spá gerð: 12.08.2020 08:35. Gildir til: 19.08.2020 12:00.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.