Veðrabrigði framundan
Nú er útlit fyrir að hlé verði á veðurblíðunni sem leikið hefur við okkur síðustu dagana. Í hugleiðingum veðurfræðings á Vedur.is segir m.a.: „Næsta sólarhringinn verða töluverð umskipti á veðrinu, því í nótt gengur í norðaustan hvassviðri eða storm með ofankomu um landið N-vert, snjókoma til fjalla, en slydda á láglendi, þótt sums staðar nái að hanga í rigningu næst ströndinni.“
Í kvöld er gert ráð fyrir að fari að kólna norðanlands og í fyrramálið er reiknað með norðaustan 15-25 m/s, hvassast NV til með snjókomu til fjalla fyrir norðan en slyddu á láglendi. Annað kvöld hægir heldur og dregur úr úrkomu.
Veðurhorfur næstu daga eru þannig:
Á miðvikudag:
Norðaustan 13-23 m/s, hvassast NV-til og með S-ströndinni. Rigning eða slydda, en snjókoma til fjalla á N-verðu landinu. Hiti 0 til 7 stig, mildast SV-lands.
Á fimmtudag:
Norðaustan 13-23, hvassast með S-ströndinni. Rigning, einkum SA-til, en sums staðar slydda fyrir norðan. Áfram svalt í veðri.
Á föstudag og laugardag:
Austan 10-18 og rigning, einkum SA-til. Hiti 3 til 12 stig, hlýjast um landið V-vert.
Á sunnudag:
Suðlæg átt 5-10 og skúrir, en þurrt að mestu N-lands. Hlýnar heldur.
Á mánudag:
Útlit fyrir austlæga eða breytilega átt með úrkomulitlu veðri, en rigning austantil seinnipartinn. Hiti 4 til 10 stig.
Það er því líklega betra fyrir þá sem komnir eru á sumardekkin að hafa varann á sé ætlunin að ferðast um fjallvegi næstu dagana sem og bændur að nýbornum ám.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
