Veðrið einna verst í Húnaþingi vestra - „Hver aðstoðarbeiðnin á fætur annarri“
Ekkert ferðaveður var á Norðurlandi vestra í gærkvöldi, þá sérstaklega í Húnaþingi vestra. Ökumenn lentu í vandræðum og björgunarsveitir stóðu í ströngu, samkvæmt því sem segir á Facebook-síðu Lögreglunnar á NLV. Lögreglan beindi því til ökumanna að vera ekki á ferðinni. „Til að mynda tók það björgunarsveitarmenn á breyttri jeppabifreið tvær klukkustundir að aka frá Hvammstanga að Víðihlíð sem alla jafna er um 20 mínútna akstur,“ segir á síðunni.
Á Facebook-síðu Húna kemur fram að það hafi verið í nógu að snúast hjá björgunarsveitarmönnum en eftir að óveðrið skall á leið ekki löng stund þar til fyrsta útkallið kom kl. 18:35. „Í framhaldinu kom hver aðstoðarbeiðnin á fætur annarri og voru okkar menn að til að verða 23:30 í kvöld, en þá var búið að koma öllum í skjól. Verkefnin voru vítt og breitt um Húnaþing vestra, alveg frá háheiði Holtavörðuheiðar og austur í Víðidal,“ segir á síðunni.
Opnuð var fjöldahjálparstöð í Víðihlíð fyrir strandaglópa og þurftu lögreglu- og björgunarsveitamenn að hjálpa farþegum í bílum sátu fastir á Holtavörðuheiði og á láglendi. Á rúv.is segir að u.þ.b. 15 manns á tíu bílum hafi verið fluttir í Víðihlíð en það var Sigrún Herdís Sigurbjartsdóttir, sem býr í íbúð á efri hæð Víðihlíðar, stóð vaktina og tók á móti fólki. Þaðan var fólkið flutt að Ferðaþjónustunni Dæli það gisti í nótt.
Um tíma voru vegirnir um Vatnsskarð, Siglufjarðarveg og Öxnadalsheiði lokaðir. Nú í morgunsárið er snjóþekja og snjókoma á Norðurlandi vestra, ófært er á Þverárfjalli og Siglufjarðarvegi.
Í dag spáir Veðurstofa Íslands austan 18-25 m/s og talsverða snjókomu á Norðurlandi vestra, hvassast á annesjum. Snýst í sunnan 8-13 og rofar til eftir hádegi, en áfram norðaustan 18-23 og snjókoma á Ströndum fram á kvöld. Frost 0 til 5 stig.
Veðurhorfur á landinu næstu daga:
Á laugardag:
Norðaustlæg átt, víða 8-13 m/s og él, en 13-18 og snjókoma á Vestfjörðum. Frostlaust við sjávarsíðuna, en frost annars 0 til 5 stig.
Á sunnudag:
Norðaustan 13-18 m/s og él, en úrkomulítið SV-lands. Heldur kólnandi veður.
Á mánudag og þriðjudag:
Ákveðin norðaustlæg átt og dálítil él, en bjartviðri S- og V-lands. Harðnandi frost.
Á miðvikudag:
Útlit fyrir hæglætisveður, bjart og talsvert frost um allt land.
Á fimmtudag:
Suðaustanátt og dálítil él SV-lands, en annars hægviðri, léttskýjað og áfram kalt í veðri.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
