Velkomin á Mark Watson daginn
Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ 18. júlí. Watson var mikill Íslandsvinur og eigum við honum margt að þakka, þar með talið rausnarleg peningagjöf til viðgerða á gamla torfbænum í Glaumbæ árið 1938 sem átti sinn þátt í að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans Dagur íslenska fjárhundsins.
Heiðursgestur dagsins verður Patricia Putman sem hefur tileinkað líf sitt hundarækt og þjálfun og hefur íslenski fjárhundurinn þar skipað stærstan sess. Pat er formaður fræðslunefndar dómara og fulltrúi AKC fyrir samtök íslenska fjárhundsins í Ameríku (ISAA). Pat vann með Mark Watson á 5. áratugnum að bók hans "The Iceland Dog 874–1956". Hún átti auk þess stóran þátt í vali og innflutningi á átta íslenskum hundum til Bandaríkjanna. Pat mun segja nokkur orð um Mark Watson og íslenska fjárhundinn í tilefni dagsins. Streymt verður frá erindi Pat hér á Facebook, athugið erindið er á ensku.
Í tilefni dagsins er frítt á safnið fyrir eigendur íslenskra fjárhunda í fylgd með hundunum.
Ókeypis aðgangur er fyrir börn yngri en 18 ára og við minnum lögheimilisíbúa Skagafjarðar á ársmiðann, sem gildir í eitt ár frá kaupum hans óháð fjölda heimsókna.
Á kaffihúsi safnsins í Áshúsi er í boði góðgæti fyrir menn og hunda. Við hvetjum fólk til að fá sér "high tea" að hætti breska aðalsins!
Viðburðurinn er haldinn í samstarfi við Sögusetur íslenska fjárhundsins og við hvetjum fólk til að sækja það heim í tilefni dagsins.
Verið velkomin í Glaumbæ!
/Fréttatilkynning
Fleiri fréttir
-
Tæknismiðjan á Hvammstanga opnar í ágúst
feykir.is Vestur-Húnavatnssýsla, Listir og menning, Lokað efni 17.07.2025 kl. 16.36Í ágúst verður tæknismiðjan í samfélagsmiðstöðinni á Hvammstanga opnuð. Í tilkynningu á heimasíðu Húnaþings vestra segir að þar fái nemendur og íbúar tækifæri til að læra um þrívíddarprentun, forritun, hönnun, nýsköpun o.fl. Um er að ræða tilraunaverkefni til eins árs til að þróa tæknismiðjuna og hvetjum við íbúa til að taka þátt þegar nánari dagskrá verður auglýst.Meira -
Enginn derbíleikur norðanliðanna í átta liða úrslitum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.07.2025 kl. 16.03Eins og Feykir hefur sagt frá þá tryggðu bæði Kormákur/Hvöt og Tindastóll sér sæti í Fótbolti.net bikarnum með góðum sigrum í hörkuviðureignum í gærkvöldi. Dregið var í átta liða úrslit keppninnar í hádeginu í dag og þar varð ljóst að draumaviðureign margra á Norðurlandi vestra verður í það minnsta ekki í átta liða úrslitum.Meira -
Opið fjós á Ytri-Hofdölum
feykir.is Skagafjörður, Mannlíf, Lokað efni 17.07.2025 kl. 12.05Á Ytri-Hofdölum í Hofstaðaplássi hefur risið stór myndarlegt fjós. Húsið er 1030fm2. Legubásar eru fyrir 65 kýr og svo er aðstaða fyrir kvígu uppeldi. Einn mjaltaróbóti er á staðnum. Þórdís og Þórarinn Halldórsbörn erum bændur á bænumMeira -
Aðalfundur Ámundakinnar ehf. 2025
feykir.is Austur-Húnavatnssýsla, Lokað efni 17.07.2025 kl. 11.15Í ársskýrslu félagsins er farið ýtarlega yfir reksturinn en hér er birtur úrdráttur sem Jóhannes Torfason framkvæmdastjóri félgasins tók saman: Aðalfundur Ámundakinnar ehf. var haldinn 11. júlí síðastliðinn í Eyvindarstofu á Blönduósi en félagið stundar útleigu fasteigna og er þátttakandi í rekstri fyrirtækja á starfssvæði sínu.Meira
