Venju samkvæmt er Stólastúlkum spáð falli
Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.
Reyndar er rétt að taka fram að í spá Fótbolta.net er liði Tindastóls spáð áttunda sæti.
Eins og sést á listanum yfir „komnar og farnar“ hér að neðan þá hefur lið Stólastúlkna misst fleiri leikmenn en það hefur sótt. Glöggir sparkfræðingar sjá væntanlega að á listann yfir farnar vantar Hönnuh Cade – sem þýðir þá væntanlega að hún hefur ekki skipt um lið en er í fríi frá fótbolta. Donni tjáði blaðamanni Feykis að enn væri verið að skoða hvort hægt verði að bæta við leikmanni eða leikmönnum en einhverjar þreyfingar munu vera í gangi.
Komnar:
19.4. Jordyn Rhodes frá Bandaríkjunum
10.2. Gabrielle Johnson frá Bandaríkjunum
Farnar:
20.2. Murielle Tiernan í Fram
15.2. Rakel Sjöfn Stefánsdóttir í Dalvík/Reyni
13.2. Melissa Garcia í Bielsko-Biela (Póllandi)
9.2. Margrét Rún Stefánsdóttir í Gróttu
6.12. Beatriz Parra í Arezzo (Ítalíu)
6.12. Marta Perarnau í Arezzo (Ítalíu)
Leikurinn gegn FH hefst kl. 16:00 og það er frítt á völlinn í boði Uppsteypu. Veðurstofan gerir ráð fyrir sól, nettri sunnanátt og sjö stiga hita á Króknum þegar leikurinn fer fram – það er ekkert víst að það klikki!
Allir á völlinn – áfram Tindastóll!
Fleiri fréttir
-
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.