Verulegar fjárfestingar á árinu 2015
Ársreikningur Húnavatnshrepps fyrir árið 2015 var samþykktur eftir að hann var tekinn til seinni umræðu á fundi sveitarstjórnar þann 4. maí síðastliðinn. Í ársreikningi kemur fram að hagnaður sveitarfélagsins eftir fjármagnsliði var tæpar 14 milljónir og handbært fé tæpar 25 milljónir. Skuldahlutfall er 31 prósent.
Samkvæmt fundargerð sveitarstjórnar þann 15. apríl, þegar ársreikningurinn var tekinn til fyrri umræðu, eru helstu niðurstöðutölur í ársreikningi eftirfarandi:
- Tekjur A og B hluta samtals: 382.030.000 kr.
- Gjöld A og B hluta samtals: 366.851.000 kr.
- Hagnaður fyrir fjármagnsliði: 15.178.000 kr.
- Hagnaður eftir fjármagnsliði: 13.882.000 kr.
- Handbært fé frá rekstri: 24.893.000 kr.
- Skuldahlutfall: 31%
Á fundi sveitarstjórnar þann 4. maí samþykktu fulltrúar E-lista ársreikninginn en bókuðu jafnframt ábendingu um hve hátt hlutfall tekna komi frá Jöfnunarsjóði, eða 34,5%, og segja framlag sjóðsins ótryggar tekjur. Jafnframt völtu þeir athygli á mikla lækkun á handbæru fé sveitarfélagsins milli ára.
„Fulltrúar E-lista samþykkja ársreikning sveitarfélagsins en benda á hversu hátt hlutfall tekna sveitarfélagsins kemur frá Jöfnunarsjóði eða 34,5%, framlög Jöfnunarsjóðs hækka um 22 milljónir króna milli ára. Framlög Jöfnunarsjóðs eru ótryggar tekjur. Einnig benda fulltrúar E-lista á að handbært fé sveitarfélagsins hefur lækkað um 42 milljónir á milli ára, úr 127 milljónir í upphafi árs og niður í 85 milljónir í árslok 2015. Með þessu áframhaldi verður sjóðurinn fljótur að klárast,“ segir í bókuninni.
Fulltrúar A-lista segja skýringuna fyrir lækkuninni á handbæru fé liggja í verulegum fjárfestingum og óhjákvæmilegum viðhaldsframkvæmdum sem fram fóru á árinu 2015.
„Fulltrúar A-lista benda á eftirfarandi vegna lækkunar á handbæru fé. Fjárfestingar voru verulegar á árinu 2015. Ráðist var í viðhaldsframkvæmdir sem var óhjákvæmilegt að ráðast í og voru eiginfærðar fjárfestingar um 41 milljón á árinu. Engin ný lán voru tekin á árinu 2015 og eldri lán greidd niður. Einnig má benda á að útistandandi kröfur hafa hækkað töluvert á milli ára,“ segir í bókun fulltrúa A-lista.
Ársreikningur ársins 2015 var samþykktur samhljóða.
Fleiri fréttir
-
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira -
Sjónhorn og Feykir koma út í dag
feykir.is Skagafjörður, Austur-Húnavatnssýsla, Vestur-Húnavatnssýsla 19.06.2025 kl. 09.01Feykir og Sjónhorn fara í dreifingu í dag, fimmtudaginn 19. júní, en þjóðhátíðardagurinn setti strik í reikninginn varðandi prentun og dreifingu og blöðin því að berast í hús degi síðar en vanalega. Sjónhornið var reyndar komið á netið í gær en rafræn útgáfa Feykis varð aðgengileg nú í morgun.Meira -
Frelsið til þess að ráða eigin málum | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 08.22Fjölmörg dæmi eru um það í sögu Íslands síðustu hundrað árin hvernig fullveldið, frelsið til þess að ráða eigin málum, hefur skipt sköpum fyrir hagsmuni þjóðarinnar. Bæði stór og smá. Landhelgisdeilurnar á síðari hluta 20. aldarinnar eru þar eðlilega áberandi. Efnahagslögsagan hefði ekki ítrekað verið færð út þar til hún náði að lokum 200 mílum ef valdið til þess hefði ekki verið innanlands. Án frumkvæðis íslenzkra ráðamanna hefði efnahagslögsagan seint verið færð út.Meira -
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira
