Vinnustofur um þróun á upplifun í tengslum við Norðurstrandarleið
Þriðja áfangaskýrslan um Norðurstrandarleið eða Arctic Coast Way kom út fyrr á þessu ári. Í henni er fjallað um þróun á upplifunum og er sú vinna unnin í samstarfi við breska ráðgjafarfyrirtækið Blue Sail.
Norðurstrandarleið, sem nær frá Hrútafirði í vestri austur til Bakkafjarðar, er um 800 kílómetra löng. Með því að fara þessa leið fá ferðalangar tækifæri til að ná betri tengslum við náttúru og menningu svæðisins og einnig hið daglegt amstur þeirra sem búa í nánd við norðurheimskautsbauginn. Áætlað er að leiðin verði kynnt á ferðakaupstefnunni Vestnorden sem haldin verður á Akureyri í október í haust og stefnt er að því vegurinn verði formlega opnaður á Degi hafsins þann 8. júní sumarið 2019.
Öllum ferðaþjónustuaðilum á svæðinu er boðið að taka þátt í vinnu þar sem horft er á Norðurstrandarleið sem áfangastað. Þar á að velta því upp hver sé sérstaða og styrkleikar svæðisins og hvernig unnt sé að skapa framúrskarandi upplifun sem keppir við það sem í boði er á alþjóðlegum markaði. Markmiðið er að ferðamenn sem heimsækja svæðið fari þaðan með ógleyanlegar minningar sem fylgja þeim alla ævi og þannig verði þeir talsmenn Norðurstrandarleiðar.
Í þessum mánuði verða haldnar vinnustofur með ráðgjafarfyrirtækinu Blue Sail. Skráning fer fram á heimasíðu Markaðsstofu Norðurlands og er hún þegar hafin. „Við viljum þróa það besta sem völ er á þegar kemur að upplifun ferðamanna, þar á meðal þeim sem tengjast mat og matargerð,“ segir í auglýsingu um vinnustofurnar. „Við viljum fá þig til þess að taka hafa áhrif á Arctic Coast Way með því að taka þátt í þessum vinnistofum, sem verða bæði áhugaverðar og skemmtilegar. Markmiðið er að sjálfsögðu það að fá fleiri gesti á það svæði Arctic Coast Way sem þú tilheyrir og að þróa þær upplifanir sem eru í boði fyrir ferðamenn.“
Vinnustofurnar verða haldnar sem hér segir:
Á Sauðárkróki 24.apríl kl. 14.00-17.30.
Á Akureyri 25. apríl kl. 14.00-17.30.
Í Ásbyrgi 26.apríl kl. 14.00-17.30.
Þátttökugjald er 2.000 krónur og fer skráning fram á slóðinni https://www.northiceland.is/is/markadsstofan/acw/skraning.
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.