Ég gaf Tryggva litla í Dæli 5 fyrir skeið
Hver er maðurinn?
Haraldur Páll Bjarkason (Halli hennar Gunnu) fyrrverandi bóndi í Sólheimum Blönduhlíð.
Hverra manna ertu? Sonur Bjarka Sigurðssonar og Elínar H Haraldsdóttir sem bæði eru ættuð frá Ólafsfirði.
Árgangur? 1968 árið sem allir snillingarnir fæddust eða hvað ?
Hvar elur þú manninn í dag? Í Reykjavík þar sem sólin sest aldrei og rignir sjaldan.
Fjölskylduhagir? Í sambúð með Guðrúnu Elínu Hilmarsdóttur.
Afkomendur? Hulda Björk f.1993 og Hlynur Óli f.1998.
Helstu áhugamál? Hestamennska með fjölskyldunni, ferðast um landið í góðra vina hóp, og horfa á fótbolta með Tryggva Litla í Dæli.
Við hvað starfar þú? Sendibílstjóri og heimavinnandi húskarl.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er .....................Gott að vera
Það er gaman............. að reyna að rækta góð hross.
Ég man þá daga er........................ ég gaf Tryggva litla í Dæli 5 fyrir skeið á félagsmóti á Sauðárkróki og hann er ekki ennþá búinn að fyrirgefa mér.
Ein gömul og góð sönn saga..................Okkur var boðið mat hjá Valgerði og Tryggva ásamt Frigga Pálma, Rósu og Gísla frá Kýrholti í frábæra pönnusteik að hætti Valgerðar. Húsbóndinn bauð upp á drykk og sögustund sem ekki verða hafðar eftir hér, einnig voru sagðar sögur af afa. Þegar líða tók á kvöldið barst talið að heilsu Frigga sem var ekki eins og hún átti að vera og upplýsti Friðrik okkur um að læknar teldu að hann hefði unnið yfir sig, lítur hann svo á Tryggva grafalvarlegur og segir “ ja þú hefur aldrei unnið yfir þig” (það sér ekki á mér).
Spurt frá síðasta viðmælanda.................... Af hverju hringir síminn hjá þér alltaf þegar þú átt að vera að tjalda?
Svar............ Því Tryggvi hringir alltaf í mig þegar við eigum að hjálpa konunum að tjalda.
Hvern vilt þú sjá svara þessum spurningum og hvaða spurningu myndir þú leggja fyrir viðkomandi?
Nafn............Lárus Dagur Pálsson.
Spurningin er..................Hvernig mundir þú lýsa sjálfum þér sem hestamanni?
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.