Afrakstur Jólamóts Molduxa sem ekki fór fram rúm hálf milljón
Ef allt hefði verið með eðlilegu sniðið þessa jóladaga hefði hið árlega Jólamót Molduxa í körfubolta farið fram í gær, það 27. í röðinni. Þar hefur fjöldi liða tekið þátt og átt saman skemmtilega stund og reynt með sér í íþrótt íþróttanna og allur afrakstur runnið til körfuboltadeildar Tindastóls. Svo var einnig nú þar sem lið og einstaklingar gátu skráð sig á mót sem ekki fór fram. Rúm hálf milljón safnaðist.
Alls voru tíu lið skráð til leiks fyrir utan tvö lið Molduxa og tuttugu einstaklingar og höfðu Molduxar heitið því að jafna hverja skráningu úr eigin sjóði. Gerðu þeir gott betur og lögðu 300 þúsund krónur á móti þeim 240 þúsundum sem komu inn frá öðrum liðum og einstaklingum. Í gær kom mótanefnd saman og lagði afraksturinn alls 543.000 krónur inn á reikning körfuboltadeildar Tindastóls og til að geta krýnt sigurvegara voru nöfn þátttakenda dregin úr lukkupotti en gullmedalíum fylgdu gjafabréf á veitingastaði á Sauðárkróki. Fór drátturinn fram í beinni útsendingu í gær eins og sjá má HÉR
Sigurliðið á Jólamóti Molduxa 2020 er Bústaðaálfarnir þar sem Hugi Halldórsson er í forsvari og fær liðið, auk gullpeninga um hálsinn, tíu manna flatbökuveislu á Hard Wok Cafe.
Svo var það Stefán Guðmundsson á Sauðárkróki sem hampaði sigri í einstaklingsgreinum og fær, auk gullverðlauna, kvöldmat fyrir tvo eftir kenjum kokksins á Gránu Bistro.
Molduxar þakka öllum sem tóku þátt með ósk um gleðilega hátið og von um bjarta körfuboltatíð á nýju ári.
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.