„Ef satt skal segja þá var ég alls ekki viðbúinn kuldanum“
Feykir forvitnaðist í fyrrasumar um upplifun nokkurra þeirra erlendu fótboltakempna sem spiluðu með Tindastóli. Útlendingarnir eru talsvert færri í sumar en Feykir ákvað engu að síður að taka upp þráðinn. Að þessu sinni er það Úrúgvæinn Santiago Fernandez, 27 ára, sem svarar. Hann gekk til liðs við Stólana í vor og hefur staðið sig með sóma í marki liðsins í sumar og hefur reyndar haft talsvert að gera þar.
Feykir byrjaði á að spyrja kappann hvernig það kom til að hann kom til Íslands að spila fótbolta. „Það var nú einfaldlega þannig að ég var að spila á Ibiza á Spáni þegar ég fékk tilboð í gegnum umboðsmanninn minn um að spila hér í sumar,“ segir Santiago.
Hvað hefur komið þér mest á óvart síðan þú komst til Íslands? „Það hefur komið mér þægilega á óvart hversu mikil mannleg gæði eru hér, fólkið hér er algjörlega frábært og kemur fram við mig af virðingu.“
Hvernig finnst þér að vera hluti af liði Tindastóls? „Ég er verulega stoltur af að vera hluti af þessu liði og það sem ég met mest er samheldnin og andinn meðal leikmanna.“
Hver er uppáhalds liðsfélagi þinn? „Ég get nú ekki gert upp á milli manna enda eru þetta allt frábærir drengir. Engu að síður þá líkar mér vel við Atla [Dag Stefánsson] markmann enda æfum við mikið saman á hverjum degi og hann hefur verið mér rosalega hjálplegur í undirbúningi fyrir leiki.“
Hvaða væntingar hafðirðu til sumarsins á Íslandi? „Ég kom hingað með það í huga að halda mér í góðu formi á meðan ég væri í sumarfríi frá boltanum á Spáni. En eins og alls staðar annars staðar þá snýst ekki allt um fótbolta því það er gaman að kynnast öðruvísi menningu og læra sem mest á meðan ég er á eyjunni.“
Hvaða leikmaður hefur verið þér fyrirmynd? „Enginn sérstakur en ég reyni að læra sem mest af liðsfélögum mínum til að bæta leik minn eins og kostur er.“
Hvað gerir þú annað hér á Sauðárkróki en að spila fótbolta? „Lífið hér á Sauðárkróki er talsvert þægilegra en í mörgum öðrum bæjum. Ég hef verið talsvert á ferðinni hér til að kynnast sem flestu, meira að segja gengið á Tindastól. Vanalega fer ég þó í ræktina á morgnana og tek það síðan rólega fram að aðal æfingu seinni part dags.“
Hvað hefur verið erfiðast við að dvelja á Íslandi? „Ef satt skal segja þá var ég alls ekki viðbúinn kuldanum. Það var ekki auðvelt til að byrja með en þetta er farið að venjast. Það er gaman að segja frá því að í fyrstu leikjunum í sumar þá varð ég að fara í sturtu í hálfleik til að koma smá yl í kroppinn svo ég væri klár fyrir síðari hálfleik!“
Feykir þakkar Santiago fyrir spjallið.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.