„Ég elska alla liðsfélaga mína jafn mikið“/Erlendir leikmenn í boltanum
Í 27. tölublaði fengum við miðjumanninn Jackie Altschuld til þess að svara nokkrum spurningum í Erlendir leikmenn í boltanum. Jackie er 24 ára stúlka sem spilaði á síðustu leiktíð í Svíþjóð en vegna meiðsla þurfti hún að fara heim þar sem hún byrjaði að þjálfa en er komin sterk til baka.
Hvernig kom það til að þú ert að spila fótbolta á Íslandi og hvar spilaðir þúáður en þú komst hingað? Fyrir ári síðan þá var ég að spila í Svíþjóð en meiddist í byrjun leiktímabilsins þannig að ég fór aftur heim og þjálfaði. En svo fékk ég tækifæri til að koma og spila með Tindastól í sumar og meiðslin orðin góð þannig að ég var mjög spennt að fara að spila aftur.
Hvað hefur komið þér mest á óvart síðan þú komst til Íslands? Hversu mikill vindur er hérna og hvað allt er rosalega dýrt.
Hvernig finnst þér að vera hluti af liði Tindastóls? Frábært, mér líður rosalega vel hérna hjá Tindastól, maður finnur að allur bærinn styður liðið og það er svo mikil samheldni í samfélaginu.
Hver er uppáhalds liðsfélagi þinn? Ég elska alla liðsfélaga mína jafn mikið.
Hvaða væntingar hafðirðu til sumarsins á Íslandi? Bara spila fótbolta og vera partur af liðsheildinni og gera vel saman. Einnig langar mig að ná að ferðast um fallega landið ykkar.
Hvaða leikmaður hefur verið þér fyrirmynd? Sterkasti innblástur minn og mín helsta fyrirmynd, er systir mín. Hún greindist með krabbamein í skjaldkirtli á hátindi ferilsins, en lét það ekki stoppa sig, hélt áfram að spila með liðinu sínu eftir fjölmargar aðgerðir og bakslög. Hætti aldrei og sýndi mikla elju og styrk.
Hvað gerir þú annað hér á Sauðárkróki en að spila fótbolta? Týpískur dagur hjá mér lítur svona út; Vakna 07:15 og fæ mér hafragraut í morgunmat. Svo fer ég í vinnuna upp á íþróttavelli, slá grasið, laga netin í mörkunum og allskonar viðhald. Eftir hádegi vinn ég svo við að þrífa herbergin í Puffin Palace. Eftir vinnu reyni ég að leggja mig eða fara í lyftingasalinn. Við æfum síðan í svona einn og hálfan tíma og eftir æfingu þá er bara komið að kvöldmat. Svo nær maður að eiga smá tíma með bestu herbergisfélögunum, Mur og Lauren. Svo tala ég venjulega við fjölskylduna mína áður en ég fer að sofa, þar sem að á sama tíma þá eru þau að byrja sinn dag.
Hvað hefur verið erfiðast við að dvelja á Íslandi? Það hefur verið erfiðast að venjast veðrinu, það er ekki svona mikill vindur og svona kalt í Kalíforníu.
Stutta spilið:
Uppáhalds Íslenska snarlið þitt? Hrískökurnar með súkkulaðinu ofan á.
Lag sumarsins? The Climb - Miley Cyrus
Skrítnasti maturinn sem þú hefur bragðað á Íslandi? Opal
Uppáhalds fótboltaliðið þitt? LA Galaxy
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.