Tap gegn Víði á Sauðárkróksvelli
Í gærkvöldi fór fram leikur Tindastóls og Víðis í 2. deild karla á Sauðárkróksvelli. Ekki var mikið af færum í þessum leik en gestirnir náðu að skora þrjú mörk og endaði leikurinn 0-3 fyrir Víði.
Gestirnir byrjuðu leikinn betur og á fimmtu mínútu skoruðu þeir fyrsta mark leiksins, þar var á ferðinni Ari Steinn Guðmundsson sem náði að vippa boltanum yfir Faerber í markinu sem náði ekki til knattarins. Eftir mark Víðis pökkuðu þeir í vörn og var Tindastóll meira með boltann en náðu hinsvegar ekki að skapa sér nein færi bókstaflega enginn færi og staðan í hálfleik 0-1 fyrir Víði.
Í upphafi síðari hálfleiks var allt annar bragur á liði Tindastóls. Liðið var að skapa sér hálffæri en vantaði oft síðustu sendinguna eða ná skoti á markið. Á 57. mínútu gerði Tindastóll breytingu þegar þeir skiptu besta manni Tindastóls, Konráð Frey útaf og breytti það gangi leiksins heilmikið, alveg fáránleg skipting. Á 71. mínútu skoraði Helgi Þór Jónsson mark fyrir Víði og staðan orðinn 0-2 fyrir gestina. Eftir annað mark Víðis fór Tindastóll að sækja á fleiri leikmönnum en eins og fyrr í leiknum skapaði Tindastóll sér enginn færi. Í uppbótartíma kom þriðja mark Víðis eftir að Tindastóll missti boltann á miðjunni og ein sending inn fyrir og mark sem Helgi Þór Jónsson skoraði. Lokatölur 0-3 fyrir Víði.
Þetta var með þeim lélegustu leikjum Tindastóls í sumar og verður brekkan brattari og brattari. Eins og ég minntist á áðan þá var Konráð Freyr besti leikmaður Tindastóls, það var í raun alveg óskiljanlegt afhverju þjálfarar Tindastóls tóku manninn útaf sem hafði stjórnað leiknum frá A til Ö.
Næsti leikur hjá Tindastól er á móti Dalvík/Reyni og verður leikurinn spilaður fimmtudaginn 8. ágúst klukkan 19:15 á Dalvíkurvelli.
/EÍG
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.