Erfiðar lokamínútur Stólastúlkna í Njarðvík
Kvennalið Tindastóls brunaði alla leið í Njarðvík á þriðjudaginn og léku við lið heimastúlkna um kvöldið. Gestirnir lentu snemma undir og eltu lið Njarðvíkur nánast allan leikinn en voru þó sjaldnast langt undan. Heimastúlkur stigu upp undir lok þriðja leikhluta og Stólastúlkur áttu þá ekkert svar. Lokatölur 88-65.
Njarðvíkurliðið fór vel af stað og var yfir, 10-2, eftir þriggja mínútna leik. Smám saman kviknaði á okkar stelpum og Karen Lind minnkaði muninn í 13-11 þegar rúmar sjö mínútur voru liðnar. Staðan var síðan 21-17 að loknum fyrsta leikhluta. Jafnræði var með liðunum í öðrum leikhluta en heimastúlkur yfirleitt með 2-5 stiga forystu. Fjögur stig frá Tess á loka andartökum fyrri hálfleiks minnkuðu muninn í eitt stig fyrir hlé og staðan 35-34 fyrir Njarðvík.
Eva Rún kom Stólastúlkum yfir í fyrsta og raunar eina skiptið í leiknum í upphafi síðari hálfleiks, 35-36. Njarðvík náði aftur undirtökunum en náðu ekki að merja gestina af sér fyrr en undir lok þriðja leikhluta. Fimm stiga munur var á liðunum, 52-47, þegar sjö mínútur voru liðnar af þriðja leikhluta en þá kom 10-3 kafli og lið Njarðvíkur með nokkuð þægilega stöðu fyrir lokafjórðunginn. Lið Tindastóls þurfti nauðsynlega gott áhlaup til að koma sér inn í leikinn á ný en því náðu þær aldrei og munurinn breikkaði bara eftir því sem á leið. Niðurstaðan 23 stiga tap.
Tessondra Williams var sem fyrr stigahæst í liði Tindastóls með 26 stig og hún tók einnig níu fráköst og fiskaði 13 villur á lið Njarðvíkur. Enda voru ferðir Tess á vítalínuna reglubundnar og setti hún niður 11 af 14 vítaskotum sínum. Karen Lind gerði 12 stig í leiknum og tók sex fráköst, Marín Lind gerði 10 stig og tók sömuleiðis sex fráköst. Þá gerði Eva Rún 8 stig í leiknum, Hera Sigrún 4, Telma Ösp 3 og Ingibjörg Fjóla 2.
Lið Njarðvíkur tók heldur fleiri fráköst í leiknum, 42/35, og skotnýting liðanna innan teigs var sömuleiðis svipuð. Vítanýting liðanna var sú sama, 24/32, en utan 3ja stiga línunnar voru heimastúlkur dugmeiri, settu niður átta þrista í 31 tilraun á meðan lið Tindastóls setti niður einn þrist í tíu tilraunum.
Dagana 14. og 15. mars leika Stólastúlkur tvo leiki í Hveragerði og hljóta að stefna á fyrsta sigurinn á nýju ári gegn botnliði Hvergerðinga. Síðasti leikur tímabilsins er hér heima 21. mars en þá kemur lið ÍR í heimsókn.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.