Glötuð úrslít í kökuskreytingakeppni ULM 2023
„Þetta var geggjað havarí og svakalegt stuð. Aðsóknin var rosaleg en allir skemmtu sér vel og fóru glöð út með flottar kökur. Ég er rosalega stoltur af því hvað þetta tókst vel,‟ segir bakarameistarinn Róbert Óttarsson, sem var sérgreinarstjóri í keppni í kökuskreytingum á Unglingalandsmóti UMFÍ á Sauðárkróki.
Þátttaka í kökuskreytingum sprakk út á Unglingalandsmótinu og fór langt fram úr væntingum. Rétt tæplega 400 ungmenni á aldrinum 11 til 18 ára voru skráð til leiks. Slíkur var fjöldinn að breyta þurfti áður auglýstri dagskrá og skipta keppendum í þrennt til að koma öllum fyrir í íþróttahúsinu. Upphaflega var gert ráð fyrir að keppnin tæki tvær klukkustundir. Raunin varð hins vegar sú að keppnin stóð nokkuð stanslaust yfir í fimm klukkustundir.
„Við þurftum að fjölga dómurum því nánast ekkert hlé var á milli holla. Þegar eitt lauk keppni beið annar hópur ungmenna við útidyrnar,‟ segir Róbert og bendir á að ýmislegt hafi farið úr skorðum þegar yngsti aldursflokkurinn hafi keppt. Gera þurfti svo marga kökubotna að allt var út um allt. Eftir afhendingu verðlauna týndi svo Róbert úrslitablaðinu og mundi hann ekki nöfnin á neinum.
„Liðin hétu svo skemmtilegum nöfnum eins og Stuðgellurnar, Flugvélagellurnar og öðrum skrautlegum nöfnum. En við lærðum mikið af fyrsta hollinu og magnað hvað allt rúllaði vel áfram,‟ segir Róbert og getur ekki með nokkru móti munað hvaða lið voru í fyrstu þremur sætunum og ekki heldur nöfnin í einstaklingskeppnunum.
Eftirsótt að skreyta kökur
Kökuskreytingar er tiltölulega nýleg grein á Unglingalandsmóti UMFÍ og eru vinsældir hennar gríðarlega miklar. Ljóst er af vinsældunum og góðri skráningu í aðrar óhefðbundnar greinar, að þátttakendur leita eftir nýjum útfærslum á klassískum íþróttum og nýjum greinum til að prófa.
Á meðal greinanna sem þátttakendur skráðu sig í voru grasblak, grashandbolti, blindrabolti, bandý og margar fleiri.
Verðlaunaafhendingar tóku því talsverðan tíma. Þátttakendur höfðu hins vegar mun meiri ánægju af því að skreyta kökurnar undir vökulum augum áhorfenda sem sátu þétt á áhorfendapöllum. Sýnt var frá kökuskreytingunni á stórum skjá íþróttahússins og gekk fjölmiðlakonan María Björk Ingvadóttir á milli keppenda og ræddi við þá um skreytingarnar.
Þema kökuskreytingakeppninnar í ár var fjölbreytileiki. Þátttakendur í keppninni útfærðu þemað með ýmsum skemmtilegum hætti.
/umfi - jab
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.