Lykilleikmenn skrifa undir hjá Tindastól
Á dögunum skrifuðu lykilleikmenn meistaraflokks karla í körfubolta undir nýja samninga við lið Tindastóls fyrir komandi keppnistímabil. Þar með er allri óvissu eytt um þá ungu leikmenn sem ósjaldan hafa verið orðaðir við skólagöngu syðra og liðsskiptingu sem óhjákvæmilega fylgdu með. Óhætt er að segja að hér sé um gleðitíðindi að ræða enda öfluga heimamenn um að ræða sem hafa verið í lykilhlutverki fyrir Tindastól á undanförnum árum.
Í tilkynningu frá körfuboltadeild Tindastóls segir að eftirfarandi leikmenn hafi skrifað undir:
Pétur Rúnar Birgisson, Viðar Ágústson, Helgi Rafn Viggósson, Friðrik Þór Stefánsson, Axel Kárason, Hannes Ingi Másson og Örvar Freyr Harðarson.
Stjórn KKD Tindastóls lítur björtum augum á komandi keppnistímabil og segir í tilkynningu hennar að vinna sé þegar hafin við að styrkja liðið enn frekar. Hér fyrir neðan er umsögn stjórnarinnar um leikmennina sem nú hafa skrifað undir.
Pétur Rúnar hefur verið lykilleikmaður Tindastólsliðsins síðustu tímabil og aðal leikstjórnandi liðsins.
Viðar er einn af öflugustu varnamönnum deildarinnar og staðið eins og klettur í öflugri vörn Tindastólsliðsins.
Fyrirliðinn Helgi Rafn er mikilvægur hlekkur í sterkum kjarna Tindastóls og þekktur fyrir mikla baráttu inn sem utan vallar.
Leikur Friðriks Þórs hefur verið mjög stígandi á liðnu tímabili og er hann þekktur fyrir þétta og öfluga vörn.
Víðtæk reynsla Axels hefur reynst vel fyrir Tindastól bæði innan sem utan vallar og kom hann öflugur inn um áramót og þétti leik liðsins vel.
Hannes Ingi er öflugur varnamaður og góð skytta.
Örvar Freyr, sem er fæddur árið 2003, er einn af framtíðarleikmönnum Tindastóls og hefur leikið með U15 landsliði Íslands.
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.