Markviss landaði öllum titlum sem í boði voru
Íslandsmót í Norrænu Trappi var loksins haldið á athafnasvæði Skotfélagsins Markviss á Blönduósi um nýliðna helgina en mótinu hafði verið frestað í tvígang. Markviss félagar voru vel fókuseraðir og lönduðu öllum titlum sem í boði voru.
Á Facebooksíðu Markviss segir að mótið hafi gengið vel fyrir sig þrátt fyrir að gustaði hressilega um keppendur á köflum en vindmælar slógu í 20m/sek þegar verst lét.
Keppendur komu frá þremur félögum en auk heimamanna í Markviss mættu fulltrúar Skotfélags Ólafsfjarðar og Skotdeildar Keflavíkur til leiks.
„Þrátt fyrir vind og furðuflug á köflum náðist afbragðs árangur á mótinu. Fimm keppendur náðu að bæta sinn besta árangur, karlalið Markviss náði einnig bætingu á samanlögðu skori. Unglingalið Markviss bætti eigið Íslandsmet og einnig var sett Íslandsmet í Kvennaflokki,“ segir í færslu félagsins en Markviss landaði öllum titlum sem í boði voru að þessu sinni.
Íslandsmeistari karla: Guðmann Jónasson Markviss
Íslandsmeistari Unglinga: Elyass Kristinn Bouanba Markviss
Íslandsmeistari Kvenna : Snjólaug María Jónsdóttir Markviss (Íslandsmet í kvennaflokki)
Íslandsmeistarar í liðakeppni karla: Markviss (Guðmann-Stefán- Jón Axel.)
Íslandmeistarar í liðakeppni unglinga: Markviss á nýju íslandsmeti (Elyass-Sigurður-Haraldur Holti)
Myndir frá mótinu ásamt úrslitum má finna á FB síðu Skotfélagsins Markviss.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.