Mikilvægur leikur Stólastúlkna í Eyjum í dag
Stelpurnar í Tindastól eiga leik gegn ÍBV í Bestu deildinni klukkan fimm í dag en ferðalagið til Eyja hófst í gær og því um mikið ferðalag er að ræða og fórnir færðar hjá leikmönnum. Liðin eru á svipuðum slóðum á stigatöflunni Eyjastúlkur í 7. sæti með sex stig eftir tvo sigra en Stólar sæti neðar með einn sigur og tvö jafntefli. Feykir hafði samband við Donna þjálfara og spurði út í ferðina og leikinn.
„Ferðalagið gekk mjög vel. Við fórum frá Króknum í gær um klukkan ellefu og fórum í Herjólf klukkan 18 svo við vorum komin klukkutíma síðar í Eyjuna. Það er auðvitað mismikið mál fyrir leikmenn að fá frí í vinnunni en heilt yfir gekk nokkuð vel að fá frí.“
Nú hefur verið mikið álag á liðinu undanfarið en Donni segir stöðuna nokkuð góða á hópnum og allar klárar fyrir utan Hrafnhildi sem er að jafna sig eftir meiðslin sem hún hlaut í leiknum við Stjörnuna.
ÍBV er á svipuðum slóðum og Stólar, hvernig munt þú nálgast leikinn og hverjar telur þú líkur á sigri vera?
"Okkar líkur eru nokkuð góðar að okkar mati. Þetta eru nokkuð svipuð lið og á svipuðum stað. Við höldum áfram að byggja ofan á okkar leik og að bæta okkur jafnt og þétt.“
Flestir Eyjamenn eru líklega með hugann við úrslitakeppnina í handboltanum en oddaleikurinn fer fram í kvöld en Donni er ekki á því að Eyjakonur fái lítinn stuðning úr stúkunni í dag.
„Ég myndi halda þvert á móti að þær ættu að fá mikinn stuðning þar sem það er stutt á milli svæðanna og stuðningssveitin ætti að eiga auðvelt með að græja báða leiki. Við munum halda áfram að gera okkar allra besta og bæta okkur. Við vonum að við fáum ennþá betri stuðning í næsta heimaleik því það hjálpar stórlega þegar það er góð stemning i kringum liðið,“ segir þjálfarinn og Feykir sendir að sjálfsögðu baráttukveðjur til Eyja. Með sigri nær Tindastóll a.m.k. að koma sér í 7. sætið og jafnvel þan 6. þar sem Stjarnan sem situr í 5. sæti og Keflavík í því 6. eigast einnig við í dag en bæði lið eru með 7 stig.
Hægt verður að fylgjast með leiknum á Stöð sport 5. Áfram Tindastóll!
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.