„Sama hvað á gengur, haltu áfram“
Feykir sendi Árna Eggerti Harðarsyni, þjálfara kvennaliðs Tindastóls, nokkrar spurningar að leik loknum nú á laugardaginn og spurði fyrst hvað honum hefði fundist um leikinn. „Þetta var ekki fallegur leikur sóknarlega hjá okkur. Við hittum ekkert, hefðum ekki getað fyllt vatnsglas þótt við værum á bólakafi, töpuðum klaufalegum boltum, það var bara ekkert að ganga upp. En við gerðum allt til að vinna leikinn.“
Árni Eggert segir að orkan, ákveðnin, grimmdin og viljinn hafi verið ólýsanlegur hjá Stólastúlkum. „Ef við skorum ekki þá stoppum við bara í vörninni. Eftir svona langan kafla af tapleikjum þá getur verið erfitt að ná loksins í sigurinn og eins og ég sagði þá var þetta ekki fallegt í dag en við bættum alltaf mistök upp með einhverju góðu annars staðar. Winston Churchill sagði einu sinni: „If you're going through hell, keep going,“ eða eins og það myndi leggjast út á okkar ylhýra, sama hvað á gengur, haltu áfram. Það er búið að vera hugarfarið undanfarnar vikur, þótt þetta hafi verið erfið taphrina þá var trúin var alltaf þarna og það er það sem gerði þetta fyrir okkur í dag, það var aldrei gefist upp, við héldum áfram og gerðum betur. Við gleðjumst í kvöld en á morgun mætum við samt aftur í salinn og byrjum að undirbúa okkur fyrir næsta leik sem er á þriðjudaginn gegn Grindavík.“
Hvað finnst þér um árangur Tindastóls það sem af er móti?„Mótið er hálfnað og við erum í fimmta til sjöunda sæti. Það er stutt upp töfluna en einnig niður. Ekki það sem við ætluðum okkur í upphafi vetrar en þetta er búinn að vera skrýtinn vetur. Við vorum í brasi með atvinnumanninn okkar í byrjun og hún fór rétt áður en allt fór í lás. Svo höfum við ekki ennþá fengið mikla hjálp úr því stöðugildi eftir að tímabilið fór af stað en aðrir leikmenn hafa stigið upp og axlað þá ábyrgð vel. Við féllum á nokkrum prófum, töpuðum óþarfa leikjum en erum búin að læra af því. Það er stígandi og við erum að ná betri tökum á því sem við erum að gera, það eru nýjir og spennandi vinklar að þróast sem eiga eftir að hjálpa okkur mikið þegar fram líða stundir. Stefnan er að vera í efri hlutanum og fá heimavöll í fyrstu umferð. Við hlökkum mikið til úrslitakeppninnar. Þar uppskera duglegustu liðin alltaf árangur.“
Árni segist aðspurður um hvort von sé á erlendum leikmanni til að styrkja liðið ekki hafa svör við þeirri spurningu. Næsti leikur er hinsvegar hér heima í Síkinu nú strax á þriðjudaginn en þá kemur sterkt lið Grindvíkinga í heimsókn. Leikurinn hefst kl. 19:15.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.