Sameiginlegt lið UMSS/KFA í Bikarkeppni FRÍ.
53. Bikarkeppni FRÍ í frjálsíþróttum utanhúss fór fram á Kaplakrikavelli í Hafnarfirði laugardaginn 27. júlí í umsjón FH.
Að þessu sinni stóð Ungmennasamband Skagafjarðar (UMSS) að sameiginlegu liði með Kraftlyftingafélagi Akureyrar (KFA). Önnur lið sem kepptu voru: Breiðablik, FH-A, FH-B, FJÖELDING (Fjölnir/Afturelding), HSK, ÍR-A og ÍR-B. Á síðasta ári sigraði ÍR-A í samanlagðri stigakeppni og í stigakeppni karla, en FH-A sigraði í stigakeppni kvenna.
Úrslit í Bikarkeppni FRÍ 2019:
Heildarstigakeppni: 1. FH-A 135 stig, 2. ÍR-A 118, 3. Breiðablik 86, 4. UMSS/KFA 77, 5. ÍR-B 64, 6. Fjölnir/Afturelding 58, 7. FH-B 51, 8. HSK 49 stig.
FH-A sigraði einnig bæði í karla- og kvennaflokkum. Aðeins 3 lið unnu til gullverðlauna í einstökum greinum: FH-A í 10 greinum, ÍR-A í 6 greinum og UMSS/KFA í 2 greinum.
Ísak Óli Traustason sigraði í 110m grindahlaupi á 14,90sek (v:-0,5), Pm - átti fyrir 14,92sek. Jóhann Björn Sigurbjörnsson sigraði í 100m hlaupi á 10,72sek (v:-0,4). Þá unnu félagarnir úr KFA einnig til verðlauna: Glódís Edda Þuríðardóttir vann silfur í 100m grind. og brons í 400m hlaupi, og Arnar Valur Vignisson brons í 400m.
Sveitir UMSS/KFA unnu báðar til verðlauna í 1000m boðhlaupum, silfur í karlaflokki og brons í kvennaflokki.
HÉR má sjá upplýsingar um Bikarkeppni FRÍ 2019.
Til hamingju með góðan árangur UMSS / KFA !
/Ungmennafélagið Tindastóll
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.