Söguleg endurkoma Jóhanns Björns á hlaupabrautina
„Geggjað að mæta aftur á brautina, upp upp og áfram!“ skrifar Jóhann Björn Sigurbjörnsson, frjálsíþróttakappi, á Facebooksíðu sína eftir frægðarför í Laugardalshöll um síðustu helgi. Þar fór fram Meistaramót Íslands í frjálsum íþróttum og allt fremsta keppnisfólk landsins meðal þátttakenda.
Jóhann Björn var mættur á keppnisbrautina á ný eftir tveggja ára fjarveru vegna veikinda en hann greindist með Hodgkins eitlakrabbamein í upphafi síðasta árs og lauk lyfjameðferð fyrir fimm mánuðum síðan. Jóhann Björn gerði sér lítið fyrir og náði 4. sætinu í riðlakeppni 60 metra hlaups karla og þar með sæti í úrslitum en hann ákvað að hlaupa ekki úrslitin. Hljóp hann á 7,07 sekúndum en hans besti árangur er 6,93 sekúndur sem hann setti á Stórmóti ÍR fyrir tveimur árum.
Félagar hans í UMSS voru honum næstir í hlaupinu, Sveinbjörn Óli Svavarsson í 3. sætinu og Ísak Óli Traustason í því 5. en Ísak jók hraðann heldur í úrslitum og nældi í silfurverðlaun með persónulegu meti, hljóp á 6,96 sekúndum. Sveinbjörn Óli tryggði sér 4. sætið á 7,10 sekúndum en hann hljóp milliriðilinn á 7,05 sekúndum, sem hefði fleytt honum í 3. sætið. Frábær árangur engu að síður. Sveinbjörn Óli gerði gott betur því hann endaði einnig í 4. sæti í 200 metra hlaupi á persónulegu meti, 22,86 sekúndum.
Ísak Óli var heldur ekki við eina brautina felldur því hann kom sá og sigraði í 60 metra grind á 8,43 sek. sem og í stangarstökki þar sem hann sveif yfir 4,42 og bætti sinn besta árangur. Í langstökki varð hann í öðru sæti með stökk upp á 6,83 metra og í kúluvarpi endaði hann í 6. sæti með 14,07 metra kast.
Fleiri frá UMSS létu til sín taka á mótinu og þar á meðal Þorkell Stefánsson sem varð 6. í 400 metra hlaupi á 53,05 sek. og 60 metrana hljóp hann á 7,50 sekúndum og varð 18. af 32 keppendum. Þá varpaði Andrea Maya Chirikadzi kúlu 10,21 metra sem gaf henni 7. sætið.
Öll úrslit mótsins er hægt að nálgast HÉR
Tengdar fréttir:
Jóhann Björn Sigurbjörnsson frjálsíþróttakappi - Glímir við erfið veikindi
Jóhann Björn og Ísak Óli í hörkukeppni á Smáþjóðaleikunum
Jóhann Björn setti nýtt Íslandsmet
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.