Stólarnir flugu áfram í VÍS bikarnum
Tindastóll og KR mættust í átta liða úrslitum VÍS bikarsins í Síkinu í kvöld. Vesturbæingar leika nú í 1. deild en bikarleikir vilja stundum bjóða upp á óvænt úrsli. Og þó KR-ingar hafi náð að hleypa spennu í leikinn í síðari hálfleik þá höfðu þeir aldrei forystu í leiknum og Stólarnir spýttu í lófana í fjórða leikhluta og unnu að lokum öruggan sigur. Lokatölur 83-60.
Jafnt var á öllum tölum fyrstu mínútur leiksins en síðustu mínútur fyrsta leikhluta náðu heimamenn góðum kafla og staðan 18-9 að honum loknum. Stólarnir héldu áfram að breikka forskotið í öðrum leikhluta og mestur varð munurinn 20 stig, 42-22, eftir að Geks setti niður þrist þegar ein og hálf mínúta var í hálfleik. Gestirnir gerðu hins vegar sjö síðustu stig fyrri hálfleiks og staðan 42-29 í hálfleik.
Þeir héldu uppteknum hætti í byrjun þriðja leikhluta og höfðu minnkað muninn niður í fimm stig að lokinni einni og hálfri mínútu. Pavel tók þá leikhlé og skrúfaði fyrir lekann í bili. Stólarnir komu muninum fljótt upp í tíu stig en Vesturbæingar létu ekki deigan síga og aftur náðu þeir góðu áhlaupi. Þeir minnkuðu muninn í fjögur stig, 52-48, en góðar körfur frá Ragga og Tóta sáu til þess að Stólarnir voru með heilbrigt níu stiga forskot fyrir lokafjörðunginn. Staðan 60-51. Þá kláruðu heimamenn leikinn af öryggi en gestirnir úr Vesturbænum gerðu aðeins níu stig í þeim fjórða á meðan Stólarnir gerðu 23. Það var Nesi Más sem setti punktinn ofan á i-ið með þristi í lokin.
Drungilas átti flottan leik í kvöld, gerði 19 stig og tók 12 fráköst. Gekg og Tóti voru með 15 stig hvor en Tóti var að auki með átta fráköst og tíu stoðsendingar. Þá var Arnar með ellefu stig en aðrir minna. Úrslitin þýða að lið Tindastóls hefur tryggt sér sæti í undanúrslitum VÍS bikarsins en þangað eru einnig mætt lið Stjörnunnar, Keflavíkur og Álftaness. Það verður einhver veisla í Laugardalshöllinni. Koma svo!
- - - - -
Þessi leiklýsing er skrifuð upp eftir leikskýrslu á vef KKÍ og alls óvíst að hún geti talist nákvæm. Það er því gerður fyrirvari um þvælu.
Fleiri fréttir
-
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.