Stólarnir yfirmeistarar í Vesturbænum
Lið KR og Tindastóls mættust í kvöld í DHL-höllinni í Vesturbæ Reykjavíkur í leik þar sem í ljós kom hverjir væru meistarar meistaranna. Það voru semsagt Íslandsmeistararnir sem tóku á móti bikarmeisturunum og það var aldrei spurning hvoru megin sigurinn myndi enda í kvöld – Stólarnir voru mun betri og sigruðu 72-103 og fengu afhentan bikar af því tilefni.
Bæði lið tóku smá tíma í að stilla miðið í byrjun leiks en eftir að Björn Kristjáns hafði komið KR yfir, 8-7, þá náðu Stólarnir yfirhöndinni og gerðu næstu níu stig leiksins. KR-ingum gekk afleitlega að spila boltanum og misstu hann ítrekað og þá voru Stólarnir að fara illa með Vesturbæingana í sóknarfráköstum. Það eru geysimörg vopn í vopnabúri Stólanna og heimamenn voru ekki að ná að stoppa þá í fyrri hálfleik. Staðan 15-24 þegar annar leikhluti hófst og þá setti Pétur tvo þrista og munurinn orðinn 15 stig. KR náði þó aðeins að krafsa sig inn í leikinn á meðan Friðrik Stefáns átti nokkuð skrautlega innkomu sem hann verður vonandi fljótur að hrista af sér. KR minnkaði muninn í tíu stig en stig frá Brynjari og Butaric komu muninum upp í heilbrigð 16 stig. Í hálfleik var staðan 34-50.
Lið KR kom betur stemmt til leiks í upphafi þriðja leikhluta og minnkaði muninn í ellefu stig, 41-52, en Urald King og Danero svöruðu fyrir Tindastól og skömmu síðar var munurinn orðinn átján stig, 45-63. Heimamenn náðu öðru góðu áhlaupi með Julian Boyd í stuði og nú minnkuðu þeir muninn í níu stig en þá komu þrjár glæsitroðslur frá King og Tindastólsmenn náðu völdum á ný. Pétur bætti við fimm stigum undir lok leikhlutans og staðan 58-74 þegar síðasti leikhlutinn hófst.
Pétur og Helgi Margeirs gerðu sitt hvorn þristinn í upphafi fjórða og KR-ingar lögðu árar í bát. Stólarnir léku við hvern sinn fingur og munurinn jókst jafnt og þétt. Síðustu mínúturnar voru það svo ungu mennirnir sem fengu að spreyta sig í báðum liðum enda úrslitin löngu ráðin. Finnbogi stal boltanum og lagði í körfu KR-inga til að koma Stólunum í 100 stigin og Ragnar Ágústs kláraði leikinn með nettum þristi.
Stólarnir eru því komnir með einn nettan bikar eftir fyrsta alvöruleik haustsins og voru vel að sigrinum komnir. KR-ingum var (nánast) vorkunn að verjast byrjunarliði Stólanna með sínar fjórar frábæru skyttur (Pétur, Brilla, Dino og Danero) og sívinnandi skopparabolta (King) í teignum! Og ekki skemmdu þeir fyrir sem komu af bekknum. Viðars-vörnin er engu lýk og Helgi Rafn virtist eiga ánægjulega stund í DHL-höllinni í kvöld. Þá komu þeir fínir inn Hannes Ingi, Helgi Margeirs og hinir.
Atkvæðamestur Tindastólsmanna var Urald King með 27 stig og átta fráköst, Pétur gerði 19 stig og átti sex stoðsendingar, Brynjar Þór var með 17 stig og fimm stoðsendingar, Danero 12 stig og sex fráköst og Dino var með 11 stig. Leikmenn Tindastóls voru með 131 punkt í framlag á meðan lið KR var með 73 punkta. Næst fá Stólarnir Þór Þorlákshöfn í heimsókn á Krókinn nk. fimmtudagskvöld þegar alvara Dominos-deildarinnar hefst.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.