Svekkjandi jafntefli í Kaplakrika
Í gærkvöldi fór fram leikur FH og Tindastóls í Inkasso deild kvenna. Þetta var mikill markaleikur og voru skoruð átta mörk í þessum leik, tvö í fyrri hálfleik og heil sex mörk í þeim síðari. Allt virtist benda til sigurs hjá Tindastól þegar þær voru komnar í 1-4 á 66. mínútu leiksins en heimastúlkurnar skoruðu þrjú mörk á tólf mínútum og endaði leikurinn 4-4.
Leikurinn byrjaði virkilega vel fyrir Tindastól þegar Murielle Tiernan skoraði með skalla eftir hornspyrnu frá Jacqueline á annarri mínútu. Eftir mark Tindastóls lágu FH-ingar í sókn en á 39. mínútu skoraði Tindastóll aftur þegar Kristrún María kom með háa sendingu inn á Murielle sem var sterk og náði að snúa af sér varnarmanninn og leggja boltann svo framhjá Anítu í markinu algjörlega gegn gangi leiksins. Staðan 0-2 í hálfleik.
Í upphafi síðari hálfleiks náði FH að minnka muninn eftir klaufagang í vörninni hjá Tindastóls þegar varnamaður Tindastóls ætlaði að leggja hann til baka á Lauren en Birta kom á blindu hliðina og var á undan í boltann og lagði hann svo snyrtilega í stöngina og inn. Á 63. mínútu komst Tindastóll í 1-3 þegar Murielle lét vaða af löngu færi sem markvörður FH kom engum vörnum við. Þremur mínútum síðar kom fjórða mark Tindastóls þegar Laufey Harpa skaut af löngu færi sem markvörður FH réði ekki við og staðan 1-4 eftir 66. mínútur þá héldu margir að þetta væri komið hjá Tindastól en leikurinn er 90. mínútur. Fjórum mínútum eftir mark Tindastóls náði FH að minnka muninn í 2-4 þegar FH fékk aukaspyrnu á miðjum vallarhelmingi Tindastóls, boltinn kom inn í þvöguna inn í teignum og fór boltinn af Guðrúnu Jenný sem skoraði sjálfsmark. Á 76. mínútu var staðan allt í einu orðin 3-4 þegar Þórey Björk skaut á mark Tindastóls sem hafnaði í netinu. Sex mínútum síðar kom jöfnunarmarkið þegar FH náði að beita góðri skyndisókn eftir hornspyrnu Tindastóls, boltinn endaði hjá Birtu Georgsdóttur sem skoraði laglega framhjá Lauren í markinu og lokaúrslitin í leiknum 4-4.
Maður leiksins var Murielle Tiernan.
Held að flest allir stuðningsmenn Tindastóls hefðu verið sáttir með stigið fyrir leik en þegar Tindastóll var komið í 1-4 þá átti maður von á sigri Tindastóls. Alveg grátlegt að missa þetta niður því þessi leikur var ekkert smá mikilvægur fyrir Tindastól upp á það að komast nær toppliðunum tveim.
Tindastóll er áfram í þriðja sætinu með 19 stig meðan FH er í því fyrsta með 26 stig en getur misst efsta sætið vinni Þróttur Reykjavík í kvöld.
Næsti leikur hjá Tindastól er á móti Þrótti Reykjavík og verður leikurinn spilaður á Sauðárkróksvelli 8. ágúst klukkan 19:15.
/EÍG
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.