„Þetta er vítamínsprauta,“ segir Pétur Ara
„Þrátt fyrir að þetta sé geggjaður árangur þá væri sennilega of djúpt í árina tekið að setja þetta sem mesta íþróttaafrek Húnvetninga. Hvöt hefur áður verið í þriðju efstu deild, þannig að þetta er jöfnun hvað varðar knattspyrnu og bara frábært. Við eigum síðan endalaust mikið af afreksfólki í gegnum tíðina t.d. í frjálsum og fleiru,“ segir Pétur Arason, sveitarstjóri Húnabyggðar, aðspurður um afrek Kormáks/Hvatar að sigla fullri ferð upp í 2. deild.
Hefurðu fylgst með gengi liðs Kormáks/Hvatar í sumar og hefurðu áhuga á fótbolta? „Ég hef mikinn áhuga á fótbolta og spilaði sjálfur sex ár í meistaraflokki, þar af fjögur ár með Hvöt. En það er skömm frá því að segja að ég hef því miður ekki haft nógu mikinn tíma aflögu eða nógu sterka athyglisgáfu í sumar til að fylgjast vel með og sá alltof fáa leiki.“
Hvaða áhrif heldurðu að þessi velgengni hafi á samfélagið? „Þetta er vítamínsprauta, engin spurning. Þegar vel gengur smitar það jákvæðni í samfélagið. Íslandsmeistaratitill Tindastóls er eins og allir vita magnað dæmi um það þar sem ekki bara Norðurland vestra heldur allir á Norðurlandi smituðust af velgengninni og stemningunni. Þó þetta afrek sé ekki alveg sambærilegt þá er þetta engu að síður mikilvægt fyrir samfélagið.“
Áttu einhvern uppáhalds leikmann í liðinu? „Eins og áður segir þá fór ég ekki á nógu marga leiki í sumar en ég mundi samt alltaf nefna Sigurð Aadnegard sem er sannur fyrirliði sem fór fyrir sínum mönnum þegar gaf á bátinn og tók síðustu þrjá leikina í markinu!“
Standa Húnvetningar sameinaðir að baki sameinuðu liði Kormáks og Hvatar? „Það get ég ekki ímyndað mér annað, enda er Þjarkurinn sameiningartákn.“
Hefur velgengnin vakið meiri fótboltaáhuga í þínu umhverfi, eru fótboltamálin t.d. rædd á kaffistofunni? „Já, fótboltamál hafa verið mikið í umræðunni á kaffistofum í sumar, mikil dramatík og spenna þrátt fyrir að liðið væri allan tímann á leiðinni upp.
Ertu með einhver skilaboð til liðsins? „Þegar ég spilaði með Hvöt fyrir rúmum 30 árum vorum við með Finnboga Hilmarsson sem prótókólgúru og hans speki var einföld: Virðing í klúbbinn!. Okkur fannst þetta mikil snilld og fallegt og þetta hlýtur að eiga jafn vel við í dag og þá,“ segir Pétur að lokum.
Fleiri fréttir
-
Stórskemmtilegir tónleikar „Heima í stofu“
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.57Heima í stofu - tilraunaverkefnið hans Áskels Heiðars var haldið 30.apríl síðastliðinn og er ekki annað að sjá en að gestir og tónlistarfólk hafi verið í skýjunum með þetta glænýja tónleika fyrirkomulag sem vonandi er þetta komið til að vera.Meira -
Kosning biskups Íslands, síðari umferð 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 14.13Nú á hádegi 2. maí hófst kosning biskups Íslands og stendur hún til kl. 12.00 á hádegi 7. maí 2024.Meira -
Rúmlega 200 manns hlupu fyrir Einstök börn á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.05.2024 kl. 11.45Rúmlega 200 manns mættu í blíðskapar veðri í styrktarhlaup fyrir Einstök börn-Stuðningfélag barna með sjaldgæfa sjúkdóma eða heilkenni. Það var hlaupahópurinn 550 Rammvilltar sem hélt hlaupið í annað sinn á Sauðárkróki þann 1. maí síðastliðinn.Meira -
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.