Valsmenn léttir
Stólarnir renndu suður á Hlíðarenda í gær og mættu þar Íslandsmeisturum Vals í síðustu umferð riðlakeppni Subway-deildarinnar. Valsmenn höfðu þegar tryggt sér deildarmeistaratitilinn í umferðinni á undan og virtust alls ekki vera í þeim gír að gefa gestunum alvöru leik. Það fór svo að Stólarnir gengu á lagið þegar á leið og möluðu á endanum meistarana mélinu smærra. Lokatölur 71-98.
Fyrsti leikhluti var jafn og fjörugur og ljóst að þó Tindastólsmenn væru búnir að tryggja sér fimmta sætið í deildinni þá vildu þeir hvergi gefa eftir og sýndu fjölmörgum stuðningsmönnum sínum, sem mættir voru á Hlíðarenda, skemmtilega takta. Stólarnir leiddu að loknum fyrsta leikhluta, 18-21, eftir að Raggi kláraði með þristi og Stólarnir bættu við forystun í upphafi annars leikhluta og voru komnir með ellefu stiga forystu, 19-30, eftir þrist frá Drungilas þegar fjórar mínútur voru liðnar. Þá náðu heimamenn að halda í horfinu og náðu síðan góðum kafla og voru komnir yfir, 40-39, þegar mínúta var í hálfleik. Stólarnir svöruðu fyrir sig og Arnar kláraði fyrri hálfleik með þristi og Stólarnir yfir, 43-45, í hálfleik.
Stólarnir höfðu yfirhöndina í þriðja leikhluta og var jafnan með fimm til tíu stiga forystu. Sjö stigum munaði að loknum þriðja leikhluta en þá hafði Kristófer Acox skellt í hollíhú. Það var síðan líkast því að Valsmenn hefðu verið að hugsa um eitthvað annað en körfubolta í fjórða leikhluta því þeir skrópuðu eiginlega í hann. Stólarnir skemmtu sér og sínum á meðan og gerðu körfur af öllum gerðum og sérstaklega gladdi Taiwo Badmus áhorfendur með glæsitilþrifum.
Taiwo var í úrslitakeppnisformi í gær, gerði 30 stig og tók 14 fráköst. Þá gerði Kewshawn 26 stig og Arnar 13 en aðrir fóru spart með stigin sín. Pétur var þó með sjö stig og átti níu stoðsendingar. Fátt var um fína drætti hjá meisturunum en það dugar sennilega skammt að vonast til að þeir séu orðnir svona lélegir. Þeir sýndu það í leiknum í Njarðvík í umferðinni á undan að þeir eru illviðráðanlegir þegar þeir finna taktinn.
Það fór líkt og Feykir reiknaði með fyrir lokaumferðina að Tindastóll mætir liði Keflavíkur í úrslitakeppninni. Keflavík á heimavallarréttinn og þó þeir hafi verið með ólíkindum vonlausir upp á síðkastið þá hafa þeir á að skipa sterku liði sem engan veginn má vanmeta. Stólarnir hafa hins vegar verið firnasterkir að undanförnu og takturinn í liðinu flottur. Þetta verður veisla.
Fyrsti leikur liðanna í úrslitakeppninni verður í Keflavík miðvikudagskvöldið 5. apríl og hefst kl. 20:15. Liðin mætast síðan í Síkinu 8. apríl kl. 19:15. Áfram Tindastóll!
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.