Uppselt var á Út við himinbláu sundin í gær
Fullt var út úr dyrum á Mælifelli á Sauðárkróki í gærkvöldi þegar „gömlu góðu söngkonurnar“ voru heiðraðar á tónleikunum Út við himinbláu sundin. Flutt voru þekkt lög sem eiga það sameiginlegt að konur gerðu þeim skil fyrr á árum eins og Svanhildur Jakobs, Erla Þorsteins, Erla Stefáns, Hallbjörg Bjarna, Adda Örnólfs, Soffía Karls, Helena Eyjólfs, Mjöll Hólm og fleiri.
Flytjendur kvöldsins fóru allir vel með sín atriði og stóðu fyllilega undir væntingum áhorfenda og settu þær Helena Eyjólfs og Mjöll Hólm punktinn yfir I-ið með nærveru sinni og söng. Með þeim sungu þær Sigurlaug Vordís Eysteinsdóttir, Hreindís Ylfa Holm Garðarsdóttir og Hugrún Sif Hallgrímsdóttir en kynnirinn, Valgerður Erlingsdóttir, opnaði söngskrána með því að syngja fyrsta lag kvöldsins. Hefði hún alveg sómt sér vel í sönghópnum með því að taka fleiri lög.
Hljómsveitin var skipuð þeim Rögnvaldi Valbergssyni, hljómborðs- og harmonikkuleikara, sem einnig sá um hljómsveitarstjórn, Sigurði Björnssyni, trommuleikara, Jóni Ólafi Sigurjónssyni, bassaleikara, Hugrúnu Sif Hallgrímsdóttur, flautuleikara og Sigfúsi Arnari Benediktssyni gítarleikara.
Skipulagningu annaðist Hulda Jónasdóttir og á hún hrós skilið fyrir að koma þessum viðburði á koppinn og leyfa Skagfirðingum og nærsveitamönnum að njóta. Aðrir tónleikar verða haldnir í kvöld í Hofi á Akureyri. Hægt er að kaupa miða á Tix.is
Óhætt er að segja að stemningin hafi verið góð í salnum þar sem gömlu lögin hristu upp í áheyrendum sem margir hverjir sungu með, enda hvattir til að taka undir af söngvurum. Meðfylgjandi eru nokkrar myndir frá gærkvöldinu.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.