Folaldavöðvi með sveppum, ananas og tómatsalati og desert í eftirrétt
Það voru þau Páley Sonja Wiium Ragnarsdóttir og Lárus Blöndal Benediktsson á Blönduósi sem leyfðu okkur að hnýsast í uppskriftabankann þeirra í 29. tbl. Feykis árið 2017. Þau eiga þrjú börn, þau Kristjönu Diljá, Einar Gísla og Margréti Ruth. Hjónin eru bæði sjúkaliðar að mennt en Lárus er nú í slátraranámi og vinnur í SAH samhliða því. Páley hefur starfað sem leiðbeinandi í Blönduskóla og nemur jafnframt kennslufræði við HÍ. „Við kjósum að hafa eldamennskuna þægilega, en jafnframt skemmtilega, og deilum því með lesendum þessum einföldu og góðu uppskriftum, að okkar mati allavega,” segja þau. „Við erum hvorki forrétta- né eftirréttafólk en við leyfum samt einum eftirrétti að fylgja með sem við fáum á hátíðisstundum.”
AÐALRÉTTUR
Grillaður folaldavöðvi m/tómatsalati, fylltum sveppum og grilluðum ananas
Lögur fyrir folald (eða reyndar hvaða kjöt sem er):
1 flaska af Piri piri kryddolíu frá Pottagöldrum
1 flaska af Bbq sósu - honey mustard
slatti af Bbq spices allround krydd frá Santa Maria
slatti af Maldon sjávarsalti
Aðferð:
Þessu er öllu blandað saman í skál, kjötið skorið niður í u.þ.b. 2 cm sneiðar og látið ofan í löginn og inn í kæli. Nóg er að láta liggja í leginum í klukkutíma áður en sett er á grillið en það verður þó alltaf betra eftir því sem það geymist í fleiri tíma.
Tómatsalat (gott sem meðlæti með öllum mat, kjöti og fisk):
250 ml majónes
½ dós sýrður rjómi
u.þ.b. 5 tómatar
½ blaðlaukur
½ dós sweet mango chutney
slatti af karrý
Aðferð:
Tómatarnir skornir í smáa bita og einnig blaðlaukurinn, öllu hrært saman og smakkað til með karrýinu.
Fylltir sveppir:
stórir sveppir
mexíkósk ostarúlla
stilkarnir teknir úr sveppunum, ostinum smurt inn í holuna og grillað.
Grillaður ananas:
Ferskur ananas skorinn í sneiðar, grillað og penslað um leið með góðri olíu.
EFTIRRÉTTUR
Frómas
2 egg
1 dl sykur
4 dl rjómi
1 dl sherry
6 matarlímsblöð
6 msk söxuð kokteilber
4 msk saxað súkkulaði
Aðferð: Rjóminn er þeyttur sér í skál, egg og sykur er þeytt mjög vel saman í annarri skál. Matarlímsblöðin brædd og kæld niður með sherry. Öllu blandað varlega saman en endað á þeytta rjómanum.
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.