14 milljónir til að ljúka iPadvæðingu
Í vikunni veitti verkefnisstjórn Sáttmála til sóknar í skólamálum í Skagafirði Fræðsluþjónustu Sveitarfélagsins Skagafjarðar styrk að upphæð 7 milljónir króna til að unnt væri að ljúka innleiðingu iPadvæðingu skólanna í Skagafirði. Kemur fjárhæðin á móti jafnháu framlagi sveitarfélagsins sem gert var ráð fyrir í fjárhagsáætlun þessa árs.
Innleiðing iPad verkefnisins hófst árið 2014 þegar Sáttmáli til sóknar í skólamálum í Skagafirði, sem er í eigu Kaupfélags Skagfirðinga og sveitarfélaganna í Skagafirði, veitti Fræðsluþjónustu Sveitarfélagsins Skagafjarðar styrk að upphæð 4 milljónir króna. Verkefnið gengur út á að innleiða nýja kennsluhætti og nýja nálgun verkefna í skólunum.
„Óhætt er að fullyrða að hin nýja upplýsingatækni hefur gjörbreytt kennsluaðferðum og viðhorfi til náms og kennslu svo um munar. Það er einnig skoðun kennara og foreldra að kennsla með spjaldtölvum sem hjálpartæki beri með sér margar jákvæðar hliðarverkanir, svo sem eins og jafnari félagslega stöðu nemenda og breyttu viðhorfi til getu til náms og þroska“, segir á heimasíðu sveitarfélagsins.
Að sögn Bergmanns Guðmundssonar kennara í Árskóla mun skólinn eiga spjaldtölvur fyrir yngstu bekkina og mun hver tölva þjóna þremur nemendum. Þegar nemendur eru komnir í 5. bekk mun hver og einn nemandi vera með tölvu hvort sem þeir eiga hana sjálfir eða fá hana hjá skólanum. Nemendur eiga þess kost að eignast sína eigin spjaldtölvu á góðum kjörum sem er svo endurnýjuð í 8. bekk eða fá hana að láni í skólanum en þá er notkunin einskorðuð við skólatíma.
„Við fögnum þessari styrkveitingu sem mun svo sannarlega koma skólastarfinu og skólasamfélaginu til góða,“ segir Hanna Dóra Björnsdóttir skólastjóri Varmahlíðarskóla. Þar eru tveir árgangar á unglingastigi þegar komnir af stað en með þessum samningi verður skólanum gert kleift að halda spjaldtölvuvæðingunni áfram af metnaði og krafti. „Mikil framþróun hefur verið í upplýsingatækni undanfarin ár og teygir tæknin anga sína inn í skólastarfið, kennsluhættir eru sífellt að verða fjölbreyttari og aukin einstaklingsmiðun í námi.“
Myndir hér fyrir neðan eru fengnar frá Ingva Hrannari Ómarssyni verkefnastjóra.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
