Dagurinn í dag
Þegar ekkert er að gerast í kringum mann og dagurinn virðist vera einn af þessum einstaklega venjulegu dögum getur verið gaman að kíkja eftir því á netinu hvort alltaf hafi verið tíðindalaust þennan tiltekna dag sem er 87. dagur ársins. Að sjálfsögðu kemur á daginn að ýmislegt hefur gerst í gegnum tíðina þann 28. mars. Hér eru tíndir saman nokkrir atburðir sem tilgreindir eru á Wikipedia:
- Árið 1797 fékkst einkaleyfi fyrir fyrstu þvottavélinni í Bandaríkjunum en það var ekki fyrr en árið 1969 sem fyrsta rafmagnsþvottavélin var sett á markað.
- Árið 1854 hófst Krímstríðið þegar Bretar og Frakkar sögðu Rússum stríð á hendur. Þrætueplið var útþensla Rússa við Svartahaf. Stríðið stóð í tæplega tvö og hálft ár og er álitið fyrsta nútímastríðið þar sem talið er að ýmsar tæknilegar nýjungar hafi verið prófaðar. Florence Nightingale vann við hjúkrun í Krímstríðinu og linaði þjáningar sjúkra og særðra hermanna og hlaut þar sitt fræga viðurnefni „konan með lampann“ vegna venju sinnar að ganga á milli manna að næturlagi með lampa í hönd til að hjúkra þeim.
- Árið 1875 hófst Öskjugos sem er talið eitt mesta öskugos á Íslandi eftir að landið byggðist. Þegar gosið hafði staðið í hálfan annan sólarhring urðu menn í Svíþjóð varir við gosmökkinn. Í kjölfar þessa goss flutti fjöldi fólks af austanverðu landinu til Vesturheims.
- Árið 1881 gengu tveir menn á hafís alla leiðina frá Siglufirði til Akureyrar. Þessi vetur er með þeim hörðustu sem vitað er um á Íslandi.
- Árið 1929 tók geðsjúkrahúsið á Kleppi til starfa.
- Árið 1956 samþykkti Alþingi Íslendinga að Bandaríkjaher skyldi yfirgefa Ísland. Af því varð þó ekki fyrr en 2006.
- Árið 1978 lést Vilhjálmur Vilhjálmsson söngvari í bílslysi í Luxemborg.
- Árið 1986 spiluðu sex þúsund útvarpsstöðvar út um allan heim samtímis lagið „We are the world“ til styrktar aðgerðum gegn hungursneyð í Afríku.
- Árið 2007 var frumvarp um Vatnajökulsþjóðgarð samþykkt á Alþingi.
Meðal afmælisbarna dagsins eru svo Harpa Arnardóttir leikkona sem fædd er árið 1964, Vince Vaughn leikari, fæddur 1970 og hin stórkostlega söngkona Stefani Joanne Angelina Germanotta sem fleiri þekkja eflaust betur undir nafninu Lady Gaga. Hún fagnar 31 árs afmæli í dag.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
