Endurbætur í fullum gangi við Sauðárkrókshöfn
Miklar framkvæmdir eru við Sauðárkrókshöfn þessa dagana. Verktakafyrirtækið Árni Helgason ehf. vinnur nú fyrri hluta á endurnýjun á efri-garði Sauðárkrókshafnar. Áætluð verklok eru 1. júlí 2024 en seinni hlutinn af verkinu verður boðinn út síðar.
Í þessari atrennu verður skipt úr 89 metra kafla á efri garði Sauðárkrókshafnar af 200 metrum. Þessir 111 metrar sem eftir eru verða teknir síðar. Þegar blaðamaður spurði Dag Baldvinsson hafnarstjóra hvað væri um að vera á höfninni sagði hann helstu verkþætti vera að brjóta og fjarlægja kant, polla og þekju á núverandi bryggju. Grafið verður fyrir akkerisstögum og gengið frá stagbitum og stögum. Þessu fylgir jarðvinna, fylling og þjöppun auk þess sem reknar verða niður 67 tvöfaldar stálþilsplötur, komið fyrir 59 bakþilsplötum ásamt stagbita við bakþil. Steypa þarf um 89 m langan kantbita með pollum, kanttré, stigum og þybbum.
Heildarkostnaður er 142 milljónir með vsk. en ríkið greiðir 75% af verkinu.
Núverandi stálþil sem sett var upp 1975 er orðið ónýtt að sögn Dags og helstu kostir að lokinni þessari vinnu eru að hönnunardýpi þilsins verður meira en núverandi þil og því í framtíðinni hægt að taka á móti skipum sem rista dýpra. Auk þess verða pollar, neyðarstigar, vatnslagnir og rafmagn sett upp samkvæmt nútímakröfum. /gg
Fleiri fréttir
-
Hlaupið fyrir Einstök börn á morgun
feykir.is Skagafjörður, Mannlíf 30.04.2024 kl. 17.38Hlaupahópurinn 550 Rammvilltar blæs á ný til styrktarhlaups fyrir félagið Einstök börn þann 1. maí á Sauðárkróki en hlaupið hefst kl. 14:00. Veðurstofan spáir björtu veðri með dassi af norðanátt en er frekar sparsöm á hitastigin. Það stefnir því allt í upplagt hlaupaveður og engin afsökun að hanga heima.Meira -
Skemmdir á um 1500 fermetrum vallarins
feykir.is Skagafjörður, Íþróttir 30.04.2024 kl. 15.03Feykir.is birti í síðustu viku viðtal við Adam Smára Hermannsson, formann knattspyrnudeildar Tindastóls, sem sagði frá talsverðu tjóni sem varð á gervigrasvellinum glæsilega á Sauðárkróki í leysingum þann 20. apríl en þá fór völlurinn undir vatn. Í gær birtist frétt á vef Skagafjarðar þar sem greint var frá því að eftir athugun í liðinni viku liggi fyrir að skemmdir urðu á vellinum á um 1.500 fermetrum, þar af eru um 1.000 fermetrar illa farnir.Meira -
Loftslagsráðherrann og sveitarfélögin á Norðurlandi vestra | Sigurjón Þórðarson skrifar
feykir.is Skagafjörður, Aðsendar greinar 30.04.2024 kl. 15.02Núverandi umhverfisráðherra fer með himinskautum í endurskipulagi stofnana ráðuneytisins, þar sem rauði þráðurinn er að sjónarmið Samtaka atvinnulífsins ráði ferðinni í einu og öllu.Meira -
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna 15 milljón króna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.