Fyrsti heimaleikur sumarsins á Sauðárkróksvelli á morgun
Á morgun, laugardaginn 14. júní er loksins komið að fyrsta alvöru heimaleik meistaraflokks karla hjá Tindastóli. Strákarnir taka á móti ÍA á Sauðárkróksvelli og hefst leikurinn kl. 14:00.
Feykir hafði samband við Bjarka Má Árnason þjálfara hjá meisaraflokki karla.
- Já nú er loksins, loksins komið að fyrsta heimleik okkar. Við höfum undanfarinn mánuð æft í stórbænum Hofsós við fínar aðstæður og drengirnir hafa tekið því vel, því aðstæður á Sauðárkróki hafa ekki verið upp á sitt besta. Við tókum okkar fyrstu æfingu á æfingasvæðinu á Sauðárkróki á miðvikudagskvöldið, við mikla kátínu drengjanna. Við erum búnir að spila sex mótsleiki og þar af tvo ”heimaleiki", annan á Hofsósi og hinn á KA-gervigrasinu. Þess vegna er þetta virkilega kærkomið að fá loksins að upplifa þá dásemd að stíga fæti inn á eitt flottasta leiksvæði landsins, Sauðárkróksvöll. Það er alltaf sérstök tilfinning að spila á heimavelli og strákarnir eru virkilega spenntir yfir að fá að spila fyrir framan sitt fólk. Og eru þeir staðráðnir í að standa sig. Töluverðar breytingar hafa verið á leikmannahópi Tindastóls og meðal annars í síðasta leik voru 14 af 18 leikmönnum liðsins strákar sem eru uppaldir af Tindastóli og Hvöt. Því vona ég svo innilega að Skagfirðingar og Húnvetningar fjölmenni á völlinn og styðji við bakið á sínum mönnum. Verkefnið er ærið og þurfum við á ykkar stuðningi að halda. Áfram Tindastóll!
Meistaraflokkur kvenna hjá Tindastóli átti einnig að spila sinn fyrsta heimaleik á Sauðárkróksvelli á morgun, en þar sem völlurinn þolir ekki álagið sem fylgir að spila tvo leiki í röð munu stelpurnar spila á móti Fjölni í Reykjavík og víxla þar með heimaleikjum.
Tekið 6. maí 2014. Ljósm./Ómar Bragi
Völlurinn í dag, 13. júní 2014. Ljósm./GSG
Fleiri fréttir
-
Eitthvað smávegis á góðan stað
feykir.is Skagafjörður, Mannlíf, Lokað efni 01.07.2025 kl. 19.44Tónleikarnir Græni salurinn fóru fram síðastliðið föstudagskvöld og vel tókst til að venju en tónleikarnir að þessu sinni voru tileinkaðir minningu listamannsins Gísla Þórs Ólafssonar (Gillons). Þegar tilfallandi kostnaður við tónleikahaldið hafði verið gerður upp var einhver afgangur eftir og í dag fóru tónleikahaldarar og færðu fjölskyldu Gísla það sem út af stóð.Meira -
Bikarkeppni Frí 2025 á Sauðárkróki um næstu helgi
feykir.is Skagafjörður, Íþróttir, Lokað efni 01.07.2025 kl. 15.40Það verður sprett úr spori, stokkið og kastað á Bikarkeppni Frjálsíþróttasambandsins á Sauðákróksvelli 5 – 6 júlí, sem sagt um næstu helgi. Keppt er í 2. flokkum, kvenna og karla, fullorðnir og 15 ára og yngri.Meira -
Getur þú bætt í þekkingarbrunn um íslenska náttúru? | Jóhann Helgi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.07.2025 kl. 14.18Ísland er auðlindaríkt land, en auðlindirnar sem oft er litið fram hjá í daglegri umræðu eru þær sem felast í gróðri og jarðvegi. Íslensk gróðurvistkerfi hafa sögulega orðið fyrir miklu raski svo sem rofi og því er einstaklega mikilvægt að hlúa að móunum okkar. Til þess er ómetanlegt að eiga góðar myndir af landi svo hægt sé að fylgjast með gangi mála. Þar gætir þú, kæri lesandi, komið sterkur inn. Með þátttöku í verkefninu Landvöktun – lykillinn að betra landi, sem ætlað er að kanna ástand þessara auðlinda og hvernig þær þróast, getur þú bætt í þennan mikilvæga þekkingarbrunn.Meira -
Fjóla fór á grásleppu á Skagafirði
feykir.is Skagafjörður, Mannlíf, Lokað efni 01.07.2025 kl. 11.51Í byrjun júní voru frumfluttir tveir útvarpsþættir á Gömlu gufunni þar sem Króksarinn brottflutti, Fjóla K. Guðmundsdóttir, kynnir sér grásleppuveiði og skellir sér á sjóinn með Guðmundi Hauki frænda sínum, syni Smilla heitins á Þorbjargarstöðum á Skaga og Brynju Ólafsdóttur. Í fyrri þættinum kynnti Fjóla sér undirbúning veiðanna og lærði eitt og annað gagnlegt en í seinni þættinum er haldið út á Skagafjörðinn og grásleppa dregin. Helstu viðmælendur Fjólu eru mæðginin Brynja og Guðmundur og voru samtölin bæði skemmtileg og fróðleg. Eftir að hafa hlýtt á þættina fannst blaðamanni ekki annað hægt en að spyrja Fjólu aðeins út í þáttagerðina og hvernig það var að starfa einn dag sem grásleppukarl.Meira -
Sniglarækt möguleg hliðarbúgrein bænda?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.07.2025 kl. 10.00Fyrir nokkru var Sigurður Líndal forstöðumaður Eims í viðtali á RÚV vegna frétta af því að Eimur hefði fengið styrk úr Lóu nýsköpunarsjóði sem er opinber sjóður til að styrkja nýsköpun á landsbyggðinni. Styrkinn fékk Eimur til að undirbúa kynningar á sniglarækt sem hliðarbúgrein en við hana mætti nýta umframorku og affall af hitaveitu. Einhvers misskilnings hefur gætt um að húnveskir bændur séu komnir á fullt í sniglarrækt. Hið rétta er að verkefnið er á frumstigi.Meira
