Stefán Vagn býður sig fram til varaformanns Framsóknarflokksins
Eftir töluverða yfirlegu og fjölmargar áskoranir hefur Stefán Vagn Stefánsson þingmaður Framsóknarflokksins í Norðvesturkjördæmi tekið ákvörðun um að bjóða sig fram til varaformanns Framsóknarflokksins á komandi flokksþingi.
„Ég hef fulla trú á því að stefna og áherslur Framsóknar eigi sem fyrr brýnt erindi í íslensk stjórnmál. Erindi okkar er skýrt: að standa vörð um stöðugleika og velferð í landinu og tryggja öllum tækifæri til menntunar og atvinnu óháð búsetu. Áherslumál flokksins undanfarin ár hafa styrkt samfélagið okkar verulega og sýnt að ábyrg nálgun og öfgalaus umræða skilar árangri.
Við þurfum að halda áfram á þeirri vegferð með samvinnu og lausnamiðaða umræðu að leiðarljósi. Á sama tíma þarf Framsókn að standa fyrir enn skýrari forgangsröðun og fastari eftirfylgni áherslumála. Í því ljósi er efnahagslegur stöðugleiki, ábyrg ríkisfjármál og atvinnuuppbygging um land allt lykilatriði.
Ég vil leggja mitt að mörkum til að svo geti orðið. Ég tel að reynsla mín, bæði úr sveitarstjórnarmálum þar sem ég var oddviti í 12 ár og af störfum á Alþingi frá 2021, nýtist vel í því hlutverki. Ég hef starfað í Framsókn frá unga aldri og skynja vel hjarta flokksins og fólksins í landinu. Sem varaformaður mun ég leggja áherslu á að styrkja tengslin við grasrótina, skerpa áherslur og tryggja að það sem við ákveðum verði fylgt eftir af festu.
Framsóknarflokkurinn er fjöldahreyfing. Það er ekki verkefni eins manns eða nokkurra að halda á lofti merkjum flokksins, heldur er það verkefni okkar allra. Ég hlakka til samtalsins við flokksmenn í aðdraganda flokksþingsins og samstarfsins sem framundan er.“
Stefán Vagn Stefánsson
Fleiri fréttir
-
Sæluvika færð fram um tvær vikur
feykir.is Skagafjörður, Lokað efni 08.01.2026 kl. 14.04Lagt var fram erindi á fundi atvinnu,-menningar og kynningarnefndar hvort skoða mætti að færa Sæluviku fram um tvær vikur, farin var sú leið að leyfa íbúum að hafa skoðun á þessu máli með íbúakönnun. Undanfarin ár hefur Sæluvikan hafist síðasta sunnudag aprílmánaðar og staðið yfir í viku. Niðurstöður liggja nú fyrir og voru þær afgerandi.Meira -
FNV áfram í Gettu betur
feykir.is Skagafjörður 08.01.2026 kl. 09.59Lið Fjölbrautaskóla Norðurlands vestra er komið áfram í aðra umferð Gettu betur eftir sigur á Fjölbrautaskóla Suðurnesja í fyrstu umferð. Keppendur FNV hafa æft af kappi síðan í byrjun september og var að vonum mikil spenna fyrir viðureignina enda þreyttu allir keppendur frumraun sína í þessari fyrstu umferð.Meira -
Valskonur lagðar í parket í háspennuleik
feykir.is Skagafjörður, Íþróttir, Lokað efni 08.01.2026 kl. 09.25Valskonur heimsóttu Síkið í gærkvöldi og öttu kappi við lið Tindastóls í Bónus deildinni. Fyrir leikinn höfðu gestirnir unnið átta leiki og sátu í fjórða sæti deildarinnar á meðan lið Tindastóls var með fjóra sigurleiki og var í áttunda sæti. Stólastúlkur hafa náð vopnum sínum í síðustu leikjum og þá sérstaklega í Síkinu og í gærkvöldi buðu liðin upp á jafnan og spennandi leik og fjögur síðustu stig leiksins gerði heimaliðið af vítalínunni. Það var akkúrat það sem þurfti og lokatölur 81-79 fyrir Tindastól.Meira -
Álfhildur hyggst draga sig í hlé frá sveitarstjórnarmálum að loknu kjörtímabilinu
feykir.is Skagafjörður, Lokað efni 07.01.2026 kl. 15.25Það er kosningaár en kosið verður til sveitarstjórna þann 16. maí næstkomandi. Feykir hefur örlítið verið að grafast fyrir um framboðs- og listamál í Skagafirði og vonandi verður hægt að segja frá einhverju áður en langt um líður. Meðal annars hafði Feykir samband við Álfhildi Leifsdóttur, oddvita Vinstri grænna og óháðra, sem tjáði Feyki að hún hyggist draga sig í hlé.Meira -
Komu færandi hendi í prjónastund
feykir.is Vestur-Húnavatnssýsla 07.01.2026 kl. 13.20Stjórnarkonur í Kvenfélaginu Björk á Hvammstanga komu aldeilis færandi hendi í prjónastund hjá Félagi eldri borgara í Húnaþingi vestra nú á þessum fallega miðvikudagsmorgni. Þær færðu félaginu að gjöf 300 þúsund krónur til búnaðarkaupa í nýju Samfélagsmiðstöðina.Meira
