Nýir vélarhermar í kennslu hjá FNV
Fjölbrautaskóli Norðurlands vestra er fyrsti framhaldsskólinn á Íslandi sem hefur fest kaup á tveimur nýjum vélarhermum ásamt uppfærslu á eldri hermakerfum frá Unitest Marine Simulators. Kaupin marka mikilvægt skref í áframhaldandi þróun á kennsluaðstöðu skólans í sjó- og vélstjórnargreinum.
Með þessum viðbótum eflist kennsla til muna og skapast betri aðstæður til fjölbreyttrar og raunhæfrar þjálfunar. Hermarnir gera nemendum kleift að æfa sig í raunverulegu umhverfi, prófa mismunandi aðstæður og læra á flókin kerfi skipa án áhættu.
Hermarnir eru í uppsetningar- og innleiðingarferli og eru því ekki enn komnir í fulla notkun í vélstjórnarnáminu. Þeir munu þó nýtast í öðrum áföngum á meðan, meðal annars þeim sem snúa að öryggisstjórnun, viðhaldi og rekstri skipa þetta kemur fram á vef FNV.
Í hermunum eru tvö ólík skip sem veita nemendum innsýn í fjölbreyttar aðstæður og ólíka uppbyggingu véla- og orkukerfa:
- Dráttarbáturinn Lalli Run er búinn tveimur aðalvélum og tveimur ljósavélum, auk tveggja skrúfa sem geta snúist 360° til þess að stjórna stefnubreytingum skipsins. Skipið er 28 metrar á lengd, 11,4 metrar á breidd og um 299 tonn að þyngd.
- Winterhub, gas- og dísilknúið gámaskip, er búið 10×92 vélbúnaði með heildarafl upp á 50.190 kW. Skipið er 366 metrar að lengd, 49 metrar á breidd og með heildarþyngd upp á 148.992 tonn.
Rafal Pawletko, Vice President og Technical Director hjá Unitest Marine Simulators, kom frá Póllandi til að sjá um uppsetningu hermanna og tryggja að kerfin væru rétt uppsett og tilbúin til kennslu.
Hluti af nýju hermunum er svokallað CBT-kerfi (Computer Based Training). Um er að ræða sjálfstæð kennsluforrit þar sem hægt er að taka fyrir einstök kerfi skipa og skoða þau í smáatriðum án þess að það hafi áhrif á rekstur annarra kerfa.
Fleiri fréttir
-
Beikonvafðir þorskhnakkar og heit súkkulaðisósa | Matgæðingar vikunnar
feykir.is Skagafjörður, Í matinn er þetta helst, Lokað efni 20.01.2026 kl. 11.35Matgæðingar í tbl. 30 - 2025 voru þau Óskar Már Atlason og Hafdís Arnardóttir en þau búa á Laugarbakka í Varmahlíð. Óskar og Hafdís vinna bæði við Fjölbrautaskóla Norðurlands vestra þar sem Óskar kennir við húsasmíðabraut og Hafdís við hestabraut. Þau eiga fjögur börn, Kristófer Bjarka ('99), Hákon Helga ('02), Arndísi Kötlu ('07), Þórdísi Heklu ('14), eina tengdadóttur, Dagmar Lilju, einn tengdason, Dag Ými, nokkra hesta og einn hund.Meira -
Þriðji heimaleikur Tindastóls í ENBL deildinni í kvöld
feykir.is Skagafjörður, Íþróttir, Lokað efni 20.01.2026 kl. 10.00Þriðji heimaleikur Tindastóls í ENBL deildinni þar sem strákarnir taka á móti Dinamo Zagreb frá Króatíu þriðjudagskvöldið 20. janúar og hefjast leikar kl.19:15.Meira -
Stendur upp úr að verða amma
feykir.is Austur-Húnavatnssýsla, Lokað efni 20.01.2026 kl. 09.00Gunnhildur Erla Þórmundsdóttir er 43 ára Blönduósmær, gift Elmari Sveinssyni, og eiga þau fjögur börn, Fanneyju, Sóleyju, Huldu og Svein, tengdasoninn Emil og barnabarnið Elmar Inga. Hún er fædd og uppalin á Blönduósi. Ættir hennar og rætur eru í Austur Húnavatnssýslu og í Skagafirði. Gunnhildur er kjötiðnaðarmaður að mennt, og hefur alla sína starfsæfi unnið við kjötiðn og slátrun, og tók ég við sem sláturhússtjóri í sláturhúsi Kjarnafæðis Norðlenska á Blönduósi 2019.Meira -
Norðurljósin léku lausum hala á himninum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 20.01.2026 kl. 08.37Það var heldur betur boðið upp á listsýningu í gærkvöldi og stjörnubjartur himininn var striginn. Það voru enda ófáir sem rifu upp snjallsímann og gerðu tilraunir til að mynda dýrðina; græn og rauð dansandi norðurljós.Meira
