Stærstu nöfnin í íslenskri tónlist á Reykjaströndinni 24. júní
Tónlistarhátíðin Drangey Music Festival fer fram á Reykjum á Reykjaströnd í Skagafirði laugardaginn 24. júní. Þetta verður í þriðja skiptið sem hátíðin fer fram og í þetta skiptið verður engu til sparað og rjóminn af vinsælustu tónlistarfólki landsins mun koma þar fram.
Fyrstan ber að nefna margverðlaunaðan Mugison sem kemur fram með hljómsveit, hljómsveitin Amabadama með stórstjörnuna Sölku Sól í fararbroddi mun stíga á stokk sem og frægasti tónlistarmaður landsins og nýbakaður sigurvegari íslensku tónlistarverðlaunanna Emmsé Gauti.
Þá snúa Jónas Sigurðsson og ritvélar framtíðarinnar aftur á hátíðina, en þau unnu hug og hjörtu gesta þar fyrir tveimur árum á eftirminnilegan hátt.
Heimafólk mun eiga sína verðugu fulltrúa en Contalgen Funeral mun kynna frábæra plötu sem þau gáfu út nýverið.
Allar aðstæður eru á Reykjum til að búa til góða skemmtun, veitingasala, tjaldstæði með snyrtingum og svo er bæði hægt að taka sér bað í Grettislaug og sigla með Drangeyjarferðum út í Drangey.
Miðasala á hátíðina er hafin á midi.is og um að gera að tryggja sér miða sem fyrst því í gildi er sérstakt forsölutilboð þar sem miðar eru töluvert ódýrari en þeir verða við hliðið. Þá er rétt að taka fram að fjöldi miða er takmarkaður.
/Fréttatilkynning
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
