Strákarnir lutu í parket gegn KR
Það var bikarhelgi í körfunni um helgina og eitt lið frá Tindastóli hafði tryggt sér réttinn til að spila til úrslita. Það var unglingaflokkur karla sem fékk það verkefni að takast á við Vesturbæjarstrákana úr KR og því miður fóru okkar kappar flatt, töpuðu 73-111 í leik sem þeir vilja sennilega hugsa sem minnst um.
Rétt eins og í úrslitum meistararflokksklúbbanna þá voru úrslitaleikirnir í yngri flokkunum leiknir í Laugardalshöllinni. Sannarlega spennandi að leika á þjóðarleikvangnum og menn virtust tilbúnir í slaginn í byrjun leiks því Stólarnir leiddu framan af fyrsta leikhluta. Í báðum liðum voru strákar sem hafa farið mikinn með meistaraflokksliðum beggja liða; Pétur Birgis, Viðar Ágústs og Hannes Ingi hjá Stólunum og þeir Þórir G og Arnór Hermanns í liði KR. Lið KR var einu stigi yfir eftir fyrsta leikhluta, 20-21, en í öðrum leikhluta kom í ljós að breiddin var meiri hjá Vesturbæingum og Sigvaldi Eggertsson raðaði niður körfum fyrir hlé. Staðan 35-51 í leikhléi.
Stólarnir fóru síðan ágætlega af stað í síðari hálfleik og tvær 3ja stiga körfur frá Pétri minnkuðu muninn í tíu stig. Þá gerðu KR-ingar tíu stig í röð og eftir það misstu strákarnir móðinn og gerðu sig seka um mýmörg mistök á meðan flest skot rötuðu niður hjá liði KR. Það voru því Vesturbæingarnir sem fögnuðu enn einum titlinum og ber að óska þeim til hamingju með hann. Engu að síður frábær árangur hjá Tindastólsstrákunum að tryggja sér sæti í úrslitunum en sannarlega hefði verið ljúft að ná bikarnum heim á Krók.
Stigahæstir í liði Tindastóls voru Pétur með 27 stig og níu fráköst og Viðar með 25 stig og sömuleiðis níu fráköst. Hannes skilaði niður níu stigum.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
