Tveimur skipverjum bjargað af lekum báti
Stjórnstöð Landhelgisgæslunnar barst um áttaleytið í gærkvöldi neyðarkall frá bát sem var að veiðum á utanverðum Skagafirði. Leki var kominn að bátnum og útlit fyrir að skipverjarnir tveir þyrftu að yfirgefa hann. Öllum nærstöddum skipum var beint að bátnum ásamt því að þyrla Landhelgisgæslunnar og björgunarskip Slysavarnafélagsins Landsbjargar á Skagaströnd og Siglufirði héldu á vettvang. Þá var Herkúlesflugvél frá bandaríska flughernum send til leitar.
Á Facebooksíðu Landhelgisgæslunnar segir að laust fyrir hálfníu í gærkvöldi hafi borist merki frá neyðarsendi bátsins í gegnum gervitungl og skömmu síðar sást neyðarblys frá skipverjum. Stundarfjórðungi síðar gátu skipverjarnir hringt í stjórnstöð og látið vita að þeir væru heilir á húfi og komnir í björgunarbát. Herkúlesvélin var komin á vettvang tíu mínútum síðar og sveimaði yfir svæðinu uns mönnum hafði verið bjargað.
Klukkan 21.18 kom færeyska loðnuskipið Finnur Fríði að björgunarbátnum og fáeinum mínútum síðar hafði mönnunum tveimur verið bjargað um borð. Á sama tíma kom þyrla Landhelgisgæslunnar á staðinn flutti hún mennina í land. 
Landhelgisgæslan vill þakka áhöfnum þeirra skipa sem þátt tóku í björguninni fyrir skjót og fagleg viðbrögð. Hér sannaðist hve mikilvægt er að sjómenn hlusti a neyðarrásina 16 en snögg viðbrögð þeirra sem voru á svæðinu réðu úrslitum um hve giftusamlega tókst til. Auk þeirra sem þegar hafa verið nefndir tóku togararnir Sólbakur og Blængur og björgunarskipin Sigurvin og Húnabjörg þátt í aðgerðunum, auk þess sem olíuskipið Laugarnes hélt á vettvang, segir á Fésbókarsíðu Gæslunnar.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
