Vegagerðin eykur vetrarþjónustu vegna breytinga á almenningssamgöngum
Vegagerðin hefur tekið þá ákvörðun að auka vetrarþjónustu á Þverárfjallsvegi og ætlar að bæta við mokstri á laugardögum og því tekin upp sjö daga þjónusta. Er þetta gert að óskum Samtökum sveitarfélaga á Norðurlandi vestra vegna breytinga á almenningssamgöngum.
Í bréfi sem SSNV sendi til Vegagerðarinnar, dagsett 8. júní 2012, segir að miklar breytingar á skipulagi almenningssamgangna hafi orðið um síðustu áramót þegar landshlutasamtök sveitarfélaga tóku yfir rekstur almenningssamganga á grundvelli samninga við Vegagerðina.
Samkvæmt nýja fyrirkomulaginu eru gömlu sérleyfin á einstakar leiðir aflögð og landshlutasamtök sveitarfélaga eru nú skilgreindir sem sérleyfishafar innan einstakra landssvæða. Samtök sveitarfélaga á Norðurlandi vestra (SSNV) hafa gert samning við vegagerðina um rekstur almenningssamgangna í Húnavatnssýslum og Skagafirði.
„Markmiðið með þessum breytingum er að færa skipulag almenningssamgangna nær þörfum íbúa einstakra landssvæða og gera þær að valkosti fyrir íbúa m.t.t vinnu, skólasóknar o.fl.,“ segir Jón Óskar Pétursson framkvæmdarstjóri SSNV í bréfinu.
Flest landshlutasamtök hafa samið við Strætó bs. um að annast skipulag og útboð akstursins. Í samvinnu við Strætó hafa Samtök sveitarfélaga á Vesturlandi, Vestfjörðum, Norðurlandi vestra og í Eyjafirði og Þingeyjasýslum framkvæmt útboð á leiðinni Reykjavík- Akureyri og voru tilboðin opnuð nú á dögunum.
„Tvær meginbreytingar verða á akstursleiðinni norður þar sem rútan mun aka um Akranes og svo um Þverárfjallsveg í gegnum Sauðárkrók. Eknar verða tvær ferðir á dag 6 daga vikunnar, morgun og kvöldferðir en eingöngu verður um síðdegisferð að ræða,“ segir í bréfinu en gert er ráð fyrir að rútan verði á Sauðárkróki á laugardögum kl. 17:23 og á Blönduósi kl. 18:01.
„Því er mikilvægt að vetrarþjónusta vegagerðarinnar á Þverárfjallsvegi verði til staðar á þessum tíma,“ segir Jón Óskar loks í bréfi SSNV til Vegagerðarinnar. Eins og kemur fram hér að ofan varð Vegagerðin að ósk SSNV.
Fleiri fréttir
-
Startup Landið – hraðall fyrir nýsköpunarverkefni á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.07.2025 kl. 17.10Nú er opið fyrir umsóknir í Startup Landið, sjö vikna viðskiptahraðal sem ætlaður er frumkvöðlum og nýsköpunarverkefnum á landsbyggðunum. Á heimasíðu SSNV segir að Hraðallinn hefjist 18. september og lýkur með lokaviðburði 30. október þar sem þátttakendur kynna verkefni sín.Meira -
Lukkuklukkur klingdu á klikkuðum tónleikum
feykir.is Skagafjörður, Listir og menning, Lokað efni 03.07.2025 kl. 16.22Það var heldur betur stuð og stemmari á tónleikunum Græni Salurinn sem fóru fram í Bifröst á Sauðárkróki föstudaginn 27. júní síðastliðinn. Að sögn Guðbrandar Ægis Ásbjörnssonar, sem er einn forvígismanna tónleikanna, þá var rúmlega fullt hús eða um það bil 110 gestir. Þeim var boðið upp á fjölbreytta og ferska tónlistarveislu en um 30 flytjendur stigu á stokk en alls voru atriðin ellefu talsins.Meira -
Hafnarframkvæmdir fyrirferðarmiklar á Skagaströnd
feykir.is Austur-Húnavatnssýsla, Lokað efni 03.07.2025 kl. 14.53„Það eru ýmsar framkvæmdir á döfinni í sumar,“ sagði Alexandra, sveitarstjóri Skagastrandar, þegar Feykir spurðist fyrir um helstu verkefni sveitarfélagsins í sumar og til lengri tíma litið. „Stærstu verkefnin tengjast Spákonufellshöfða og Skagastrandarhöfn.“Meira -
Búið að finna aðalleikarann í Bless, bless Blesi
feykir.is Skagafjörður, Listir og menning, Lokað efni 03.07.2025 kl. 13.25„Það er margt í mörgu,“ sagði einhver eldklár. Körfuknattleiksdeild Tindastóls tilkynnti í vikunni um óvenjulega fjáröflun sem tengist stóru sjónvarpsþáttaverkefni sem tekið verður upp í Skagafirði næstu vikurnar. Serían gerist m.a. á Landsmóti hestamanna og til að allt verði sem best lukkað þarf góðan hóp fólks til að sitja í áhorfendastúkunni á Hólum. En hvaða þættir eru þetta? Feykir forvitnaðist örlítið um sjónvarpsseríuna Bless, bless Blesi.Meira -
Stefnt á að hefja nám í matvælaiðn við FNV í haust
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.07.2025 kl. 12.18Fjölbrautaskóli Norðurlands vestra hefur undanfarið, í samstarfi við Kaupfélag Skagfirðinga, unnið að nýrri námsbraut í matvælaiðn. Í tilkynningu á vef skólans segir að brautin sé 60 einingar og ljúka nemendur námi á 2. þrepi framhaldsskólastigs.Meira
