Norðanátt óskar eftir einhverjum til að taka við vefnum
Þann 14. júní næstkomandi verða tíu ár liðin frá því að Norðanátt.is fór í loftið. Aldís Olga Jóhannesdóttir og Kristín Guðmundsdóttir opnuðu vefmiðilinn eftir að hafa lesið í skýrslu Hagfræðistofnunar Háskóla Íslands frá árinu 2004 að þörf væri á að markaðssetja Húnaþing vestra betur og stofna vefsíðu fyrir svæðið. Nú er svo komið að þær vilja afhenda keflið til annarra sem áhuga hafa að halda Norðanáttinni gangandi.
„Á vefnum hafa verið fluttar fréttir af viðburðum, afrekum fólks, birtar tilkynningar, viðtöl, pistlar, vísur, teikningar og fleira. Öll sú vinna sem hefur farið fram í tengslum við Norðanátt hefur verið unnin í sjálfboðavinnu og í frítíma umsjónarkvenna. Allt var þetta gert með samfélagsmarkmið að leiðarljósi, að koma á framfæri því góða og jákvæða sem á sér stað á svæðinu og vera einhvers konar upplýsingagátt fyrir íbúa svæðisins og aðra áhugasama.
Nú er svo komið að eftir tíu ára sjálfboðavinnu er kominn tími á skipti, að afhenda keflið til þess sem hefur metnað fyrir því að halda starfinu áfram með aðstoð samfélagsins hér. Norðanátt hefur átt dygga lesendur og góða velunnara og það væri einstaklega ánægjulegt að sjá þetta starf halda áfram. Ef einhver frábær gæti hugsað sér að halda Norðanáttinni áfram og nýta sér núverandi vef, þá má viðkomandi endilega senda póst á aldis@nordanatt.is,“ segir á Norðanáttinni.
Feykir tekur undir það að vilja sjá vefinn halda áfram enda stórgóður og metnaðarfullur. Það er ómetanlegt fyrir hvert byggðarlag að hafa vef sem flytur fréttir af svæðinu. Feykir hefur átt gott samstarf við Norðanátt og vonar það það verði svo um ókomna tíð.
Fleiri fréttir
-
Enn bætir Tindastóll í
feykir.is Skagafjörður, Íþróttir, Lokað efni 02.08.2025 kl. 14.40Körfuknattleiksdeild Tindastóls hefur gengið frá samningi við spænsku körfuknattleikskonuna Mörtu Hermida um að leika með liðinu á komandi tímabili. Þetta er mikill fengur fyrir Tindastól og spennandi tímabil framundan hjá kvennaliðinu.Meira -
Ferða og gleði helgin mikla
feykir.is Skagafjörður, Lokað efni 01.08.2025 kl. 18.00Upp er runnin verslunaramannahelgi. Nú þeytist landinn landshorna á milli fullur eftirvæntingar um botnlaust stuð. Það var þétt setið bílaplanið við Olís Varmahlíð um kl:16 í dag. Það hefur verið mikil umferð síðustu daga og virðist flestum liggja mikið á.Meira -
Fyrsta Landsmótið í hestafimleikum á Íslandi haldið á Hvammstanga
feykir.is Íþróttir, Vestur-Húnavatnssýsla 01.08.2025 kl. 15.00Dagana 15.-18. júlí fór fram fyrsta landsmót í hestafimleikum á Íslandi og var það haldið í Þytsheimum á Hvammstanga. Sex hópar, frá Hvammstanga, Borgarfirði, Snæfellsnesi og Suðurlandi tóku þátt og sýndu alskonar kúnstir. Þó sumir hóparnir væru frekar nýlega stofnaðir og æfingastigið því mjög mismunandi stóðu öll börnin sig einstaklega vel og fengu verðskuldaða viðurkenningu.Meira -
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira
