Undur og stórmerki seinnipartinn í dag
Stórkostlegur atburður er í vændum síðdegis í dag, 12. ágúst, þegar sólmyrkvinn gengur yfir. Hann mun sjást vel úr Skagafirði og Húnavatnssýslum en á Norðurlandi vestra verður fallegur deildarmyrkvi þar sem tunglið hylur mest ríflega 98% sólar. Myrkvanum fylgir að það mun kólna og dimma. Deildarmyrkvinn hefst um kl. 16:45 og nær hámarki kl. 17:46, áður en honum lýkur um kl. 18:44. Myrkvinn stendur því yfir í um tvær stundir. Samkvæmt veðurspá frá í morgun gæti farið svo að aðstæður til að fylgjast með þessu sjónarspili verði hvað bestar á Norðurlandi vestra.
Feykir heyrði í stjörnufræðingnum Sævari Helga Bragasyni sem sagði: „Þótt það sé ekkert í líkingu við almyrkva, þá er samt fyllsta ástæða til að fylgjast vel með ef fólk kemst ekki inn í almyrkvaslóðina vestar.“
Deildarmyrkvinn dýpri í Húnavatnssýslum
Sævar bendir á síðuna solmyrkvi2026.is þar sem er hægt að sjá gagnvirkt kort sem sýnir nákvæmar tímasetningar, stefnu sólar og hvar fjöll birgja sýn. „Eiginlega allur Skagafjörðurinn er flottur eins og sjá má á kortinu,“ sagði Sævar, en það sama á við um Húna-byggð og Húnaþing vestra. „Í Húnavatnssýslum er deildarmyrkvinn meira að segja aðeins dýpri, yfir 99%, því þá erum við komin vestar á landið. Fólk þar ætti sannarlega að leggja leið sína vestar og inn í almyrkvaslóðina – ekki spurning!“
Nauðsynlegt að nota sólmyrkvagleraugu
Aðspurður um hvers þurfi að gæta sagði Sævar að það væri margt mikilvægt sem þyrfti að hafa í huga. „Til dæmis að sýna þolinmæði því umferðin verður mikil alveg sama hvað, svo aka varlega. Fylla bílinn af eldsneyti eða rafmagni og hafa með sér nesti. Ferðin til baka gæti nefnilega orðið löng. Ef fólk fer hvergi, þá er nauðsynlegt að nota sólmyrkvagleraugu til að fylgjast með deildarmyrkvanum. Fróðleiksfýsn, auð-mýkt og forvitni, slatta af þolinmæði og jákvæðni. Fræðast og skoða og smella á kortið á solmyrkvi2026.is.“
Þar sem almyrkvinn sést ekki frá Norðurlandi vestra verður fólk austan almyrkvaslóðarinnar að nota sólmyrkvagleraugu allan tímann. Ekki er öruggt að horfa á deildarmyrkva með berum augum, þótt sólin sé 99,99% deildarmyrkvuð. Þar sem almyrkvinn sést eru gleraugun hins vegar tekin af og hans notið með berum augum. /ekh
Fleiri fréttir
-
Nýi sveitarstjórinn á Skagaströnd hefur störf
feykir.is Skagafjörður, Austur-Húnavatnssýsla, Mannlíf, Lokað efni 12.08.2026 kl. 15.30Þann 1. ágúst s.l. tók Ólafur Þór Ólafsson til starfa sem sveitarstjóri Sveitarfélagsins Skagastrandar. Þessa fyrstu viku í starfi hefur hann verið að setja sig inn í hin ýmsu málefni er varða sveitarfélagið og haft í mörg horn að líta. Ólafur Þór hefur áður verið sveitarstjóri hjá Tálknafjarðarhreppi og Reykhólahreppi en kemur upphaflega frá Suðurnesjum. Hann ólst upp í Sandgerði þar sem hann var lengi starfandi í sveitarstjórnarmálum, m.a. forseti bæjarstjórnar Sandgerðisbæjar og formaður bæjarráðs Suðurnesjabæjar. Hann er búsettur í Garðabæ ásamt sambýliskonu sinni Sigríði Katrínu Kristbjörnsdóttur, sem starfar sem framkvæmdastjóri fjármála hjá Húsnæðis-, mannvirkja- og skipulagsstofnun. Ólafur mun flytja til Skagastrandar á næstu vikum og segist hlakka til að kynnast betur fólkinu og samfélaginu í bænum. Frá þessu segir á Skagastrond.isMeira -
Elvar er til í slaginn aftur
feykir.is Skagafjörður, Íþróttir, Lokað efni 12.08.2026 kl. 14.10Elvar Einarsson bóndi á Syðra-Skörðugili er maður ekki einhamur. Elvar er formaður hestamannafélagsins Skagfirðings sem var mótshaldari Landsmóts á Hólum og var Elvar formaður framkvæmdanefndar. Blaðamaður Feykis náði að setjast niður með Elvari kl: 8 að morgni 16. júlí en þá var hann staddur heima hjá sér í stutta stund en annars var hann og hans fólk statt í hestaferð með erlenda ferðamenn og var verið að leggja af stað í legg dagsins.Meira -
Myndasyrpa frá Unglingalandsmótinu
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Mannlíf 12.08.2026 kl. 13.46Eins og varla hefur farið framhá lesendum Feykis þá var Unglingalandsmót UMFÍ haldið á Sauðárkróki um verslunarmannahelgina. Mótið heppnaðist vel í alla staði og veðrið spilað með. Ljósmyndarar á vegum UMFÍ voru duglegir við sína iðju og fékk Feykir góðfúslegt leyfi til að birta myndasyrpu frá mótinu.Meira -
Undirfellskirkja skiptir um eigendur
feykir.is Austur-Húnavatnssýsla, Lokað efni 12.08.2026 kl. 13.26Undanfarna mánuði hefur verið unnið að sameiningu Undirfells- og Þingeyrasóknar vegna fámennis í báðum sóknum. Í Húnahorninu segir að í kjölfar þeirrar vinnu hafi legið fyrir að þörf væri aðeins fyrir eina kirkju innan sameinaðs safnaðar og var ákveðið að Þingeyrakirkja yrði sóknarkirkja.Meira -
Hólahátíð nálgast
feykir.is Skagafjörður, Mannlíf 12.08.2026 kl. 12.20Helgina 15.-16. ágúst fer fram hin árlega Hólahátíð að Hólum í Hjaltadal. Hólahátíð barnanna verður á laugardeginum og er þá dagskrá fyrir börn og fjölskyldur. Lydía Einarsdóttir svæðisstjóri æskulýðsmála og Karl Lúðvíksson íþróttakennari sjá um dagskrána. Þá stendur einnig til boða að ganga upp í Gvendarskál með sr. Sigríði Gunnarsdóttur prófasti og sér hún jafnframt um helgistund við Gvendar altari. Eftir það verður grillað við Auðunarstofu.Meira
