Vantar leiðir til að fullvinna afurðir heima í héraði
Á stórfundi íbúa á Norðurlandi vestra sem haldinn var í Miðgarði í síðustu viku í tengslum við vinnu við gerð nýrrar sóknaráætlunar var lögð mikil áhersla á að finna þurfi leiðir til að fulllnýta afurðir heima í héraði. Þetta var síðasti fundurinn sem Samtök sveitarfélaga á Norðurlandi vestra, SSNV, boða til fyrir gerð nýrrar sóknaráætlunar sem unnið hefur verið að frá því í vor. Var fundurinn vel sóttur og þar komu fram margar góðar hugmyndir um framtíðarsýn landshlutans. Fjallað var um fundinn og rætt við Unni Valborgu Hilmarsdóttur, framkvæmdastjóra SSNV í frétt á vef RÚV .
Unnur Valborg segir að mikill hugur sé í fólki og hafi menningar- og menntamál, atvinnuþróun og nýsköpun verið ofarlega á baugi en rauði þráðurinn í umræðunum hafi verið hvernig hægt væri að fullnýta afurðir heima í héraði. „Norðurland vestra er gríðarlega stórt landbúnaðarhérað og hér er mikil frumframleiðsla, bæði í landbúnaði og sjávarútvegi en okkur vantar kannski frekari leiðir til þess að fullvinna þessar afurði hér og þannig skilja eftir sem mestan virðisauka á svæðinu,“ segir Unnur. Þar megi til dæmis nefna leiðir til að nýta betur ull og annað sem til fellur af sauðfé. Umhverfismálin séu meira áberandi í sóknaráætlun nú en áður sem rími vel við fullnýtingu afurða. „Partur af því sé að mötuneyti skóla á svæðinu nýti betur afurðir úr héraði með því að kaupa í meiri mæli beint frá býli eða beint úr bát. Þá þurfi að auðvelda bændum að vinna kjöt heima. Á Skagaströnd sé vörusmiðja með vottað vinnslurými sem bændur geti nýtt sér. Það geri þeir í auknum mæli og þurfi því ekki að koma sér upp vottuðu vinnslurými heima með tilheyrandi kostnaði,“ segir í frétt Ríkisútvarpsins.
Stefnt er að því að sóknaráætlun verði tilbúin í byrjun október en þá verður hún birt á vef samtakanna og fólki gefinn kostur á að gera athugasemdir. „Við lítum á það þannig að þeir sem eru helstu sérfræðingarnir í bæði stöðu svæðisins og tækifærum þess séu íbúar svo samráðið er lykilþáttur í þessari vinnu,“ segir Unnur. Hún segir mikilvægt að sóknaráætlunin taki á þessum mikilvægu þáttum er varða landshlutann því úthlutun styrkja taki mið af henni. Til dæmis þurfi þau verkefni sem fái styrk úr uppbyggingarsjóði ásamt áhersluverkefnum að hafa vísan í sóknaráætlun.
Á fundinum var einnig unnið að sviðsmyndagreiningu fyrir atvinnulífið á svæðinu en þar er unnið lengra fram í tímann heldur en í sóknaráætluninni eða til ársins 2040. Í henni er skoðað í hvaða mögulegar áttir atvinnulíf á Norðurlandi vestra geti þróast, og dregin upp bæði versta mögulega staða og sú besta. Greininguna sé svo hægt að nota sem viðmið næstu ár og hægt að „rétta kúrsinn ef við sjáum að við erum að fara í átt að verri útkomunni,“ segir Unnur.
Fleiri fréttir
-
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.