Heimabruggaður bjór
Farskólinn kynnir námskeiðið - Heimabruggaður bjór
Á þessu námskeiði verður farið í grunnatriði í að brugga sinn eigin bjór heima. Það verður farið í gegnum þau mismunandi skref bruggunar og þann búnað sem þarf til heimabruggunar, sem er nokkuð einfaldur og þú bruggar þinn eigin bjór undir handleiðslu.
Á námskeiðinu munum við brugga tvær mismunandi tegundir af bjór með búnaði til heimanotkunar. Í lok námskeiðs fá þátttakendur að taka með sér bjórinn heim u.þ.b. 9–12 flöskur.
Námskeiðið stendur yfir í 2 daga, með 3 vikum á milli, fyrri daginn verður bruggdagur og seinni dagurinn átöppunardagur.
Dagur 1: Bruggdagur (6 klst.).
Stutt kynning á grundvallaratriðum bjórbruggunar, mismunandi skrefum í ferlinum og þeim búnaði sem þarf.
Bruggun undirbúin og búnaður hreinsaður.
Þátttakendum verður skipt í tvo hópa sem brugga sitt hvora tegundina af bjór.
Bjórinn bruggaður.
Dagur 2: Átöppunardagur (3 klst.).
Bjórinn settur á flöskur og merktur. Gengið frá öllum tækjum og áhöldum.
Þátttakendur deila afrakstri námskeiðsins á milli sín og taka með sér heim tvær tegundir af heimabrugguðum bjór.
Leiðbeinandi: Jens Jakob Sigurðarson, efnaverkfræðingur.
Hvar og hvenær: í Vörusmiðjunni á Skagaströnd 26. október kl. 10.00-16.00 og 17. nóvember kl. 18.00–21.00.
Skráning er hér
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.