A-Húnavatnssýsla

Við Suðurgötu á Sauðárkróki stendur Ártún, 125 ára gamalt hús. Það hefur þó ekki alla tíð staðið á sama stað heldur var það flutt á stokkum utan af Aðalgötu árið 1919, þangað sem það stendur nú. Húsið hefur lengst af verið í eigu sömu fjölskyldunnar, nú síðast Björns Ásgrímssonar. Þegar hann lést, 94 ára að aldri þann 29. júlí sl., eignaðist bróðursonur hans Gísli Einarsson húsið.

„Búsetubreytingar og breytt aldursskipting íbúanna hafa áhrif á afkomu sveitarfélaga. Sveitarstjórnir ættu að gefa þessari þróun gaum,“ sagði Gunnlaugur Júlíusson, í erindi sínu á fjármálaráðstefnu sveitarfélaga í síðasta mánuði. Í máli hans kom m.a. fram að Vestfirðir og Norðurland vestra eru einu landshlutarnir þar sem íbúum hefur fækkað síðan árið 1998.

Ársfundur Samtaka sveitarfélaga á Norðurlandi vestra, SSNV, var haldinn í félagsheimilinu á Blönduósi á föstudaginn í síðustu viku. Þingið sátu kjörnir fulltrúar sveitarfélaganna sjö á svæðinu, ásamt starfsmönnum SSNV, þingmönnum og fleiri gestum, alls um 40 manns. Blaðamaður Feykis var á staðnum og fylgdist með þingstörfum.

Landssamtök sauðfjárbænda rituðu í dag undir samning við RIKK – Rannsóknastofnun í jafnréttisfræðum við Háskóla Íslands, um sérstaka fræðilega Úttekt á stöðu kvenna í sauðfjárrækt, í þeim tilgangi að kanna hvort halli á konur í greininni og ef svo er, hvaða leiðir megi finna til að bæta þar úr.

Annar þáttur Fyrirmyndarfrumkvöðla fer í loftið á Feyki.is í kvöld. Þættirnir verða sjö talsins og er rætt við forsvarsmenn frumkvöðlafyrirtækja á Norðurlandi vestra, í þetta sinn er Lilja Gunnlaugsdóttir heimsótt en hún rekur handverksfyrirtækið Skrautmen.

Þekkingarsetur og samstarfsaðilar, Textílsetur Íslands og Vinir Kvennaskólans, hlutu styrk frá Uppbyggingarsjóði Norðurlands vestra í vor til að gera skýrslu um vefstóla í Kvennaskólanum á Blönduósi. Skýrslan var unnin af Ragnheiði Björk Þórsdóttur vefara og vefnaðarkennara nú í október.

Heilbrigðisstofnun Norðurlands varð til við samruna sex heilbrigðisstofnana 1. október 2014 og er nú á sínu fyrsta starfsári. Rekstur stofnunarinnar hefur gengið vel fyrstu átta mánuði þessa árs og er stofnunin rekin með afgangi. Er það sérstaklega ánægjulegt í ljósi þess að samanlagður halli allra stofnanna sem sameinuðust í Heilbrigðisstofnun Norðurlands nam 79 milljónum á árinu 2014.

Á nýrri heimasíðu SSNV er vakin athygli á því að opið er fyrir umsóknir í AVS rannsóknasjóð, sem hefur að markmiði að styrkja verkefni, sem stuðla að auknu verðmæti íslensks sjávarfangs og styrkja samkeppnishæfni íslensks sjávarútvegs og fiskeldis.

Hið árlega Styrktarsjóðsball Húnvetninga verður haldið í Félagsheimilinu á Blönduósi laugardaginn 24. október. Hljómsveitin Von ásamt Ölmu Rut og Kristjáni Gísla munu halda uppi stuðinu fram á nótt.

Það er svo margt sem mig langar til að skrifa um í fyrsta blogginu að það væri efni í heilt tímarit en ætli niðurstaðan verði ekki tengt haustinu fallega sem er að birtast okkur hægt og rólega þessa dagana. Þetta er uppáhalds tíminn minn á árinu því ég er vog sem þolir illa hita og raka og er örugglega ein af fáum sem vældi ekkert á facebook yfir sumrinu okkar og var bara mjög þakklát fyrir það sem við fengum.