A-Húnavatnssýsla

Fjölmennur íbúafundur var haldinn í Félagsheimilinu á Blönduósi síðastliðinn mánudag en þar voru tvö megin mál til umræðu. Annars vegar endurvinnslutunnur á hvert heimili og hins vegar umferðarhraði í íbúðagötum.

Suðaustan 3-8 m/s er á Stöndum og Norðurlandi vestra, lengst af bjartviðri og frost 2 til 12 stig, kaldast til landsins. Víða er hálka á Norðurlandi en sums staðar snjóþekja á útvegum.

Stjórn Stéttarfélagsins Samstöðu samþykkti í dag 24. febrúar eftirfarandi yfirlýsingu: „Stéttarfélagið Samstaða lýsir yfir fullum stuðningi við starfsfólk í álverinu í Straumsvík og þeirra stéttarfélög í þeirri hörðu kjarabaráttu sem þau eru í. Stéttarfélagið Samstaða skorar á Samtök atvinnulífsins og Rio Tinto Alcan að ganga þegar í stað til samninga við launafólk í álverinu.“

Það sem af er vetri hefur tíðarfarið verið mjög gott til skíðaiðkunar í Tindastóli. Viggó Jónsson staðarhaldari segir að veðurfarslega hafi veturinn verið með eindæmum hagfelldur - ekki mikið um umhleypingar, nóg af snjó í fjallinu og mjög gott færi.

Miklar framkvæmdir hafa staðið yfir við Kvennaskólann á Blönduósi undanfarnar vikur þar sem unnið er að endurnýjun á húsum við Árbraut 33 og 35. Húsin verða svo notuð til að hýsa listamenn á vegum Textil listamiðstöðvarinnar í Kvennaskólanum þegar framkvæmdum er lokið.

Fulltrúar Bændasamtaka Íslands og sjávarútvegs- og landbúnaðarráðherra og fjármála- og efnahagsráðherra fyrir hönd ríkissjóðs skrifuðu undir nýja búvörusamninga sl. föstudag. Um er að ræða rammasamning um almenn starfsskilyrði landbúnaðarins og samninga um starfskilyrði garðyrkju, nautgriparæktar og sauðfjárræktar á árunum 2017 til 2026.

Fyrsti fundur ársins hjá svokölluðum Prjónagröffurnum á Blönduósi verður í dag, mánudaginn 22. febrúar, í Félagsheimilinu á Blönduósi. Fundurinn hefst kl. 20:00. „Spjöllum saman um spennandi tíma framundan - handverksmarkað, prjónahátíð og að sjálfsögðu prjónagraffið okkar,“ segir í tilkynningu á húna.is.

Á Norðurlandi er hálka og snjóþekja á vegum en ófært er á Þverárfjalli, samkvæmt vef Vegagerðarinnar. Þungfært er á Siglufjarðarvegi frá Ketilás í Siglufjörð. Samkvæmt spá Veðurstofunnar snýst í hæga suðlæga átt á dag á Ströndum og Norðurlandi vestra, léttir til og kólnar.

Blönduósbær boðar til íbúafundar í Félagsheimilinu á Blönduósi mánudaginn 22. febrúar næstkomandi klukkan 17:00. Samkvæmt auglýsingu frá Blönduósbæ er fundurinn til upplýsinga og umræðna um verkefni bæjarins á næstunni. Íbúar eru hvattir til að mæta og taka þátt í íbúafundinum.

Ég henti í smá pistil fyrir kvenþjóðina fyrir Bóndadaginn en nú er komið að ykkur strákar að gefa konunni eitthvað sniðugt á Konudaginn. Nú þarf ég að passa mig að hafa pistilinn ekki of langan því þið viljið hafa allt einfalt því ef það verður of flókið þá gætuð þið fengið valkvíða og hætta við að gefa elskunni ykkar gjöf, og það má alls ekki gerast. Þetta snýst ekki um að hafa gjöfina dýra heldur er það hugsunin á bak við gjöfina sjálfa.