Að lokinni leikskólagöngu: Takk! | Lára Halla Sigurðardóttir skrifar
Í mínum huga er það afrek að ljúka leikskóla. Það er meira en að segja það að mæta á hverjum degi og dvelja í rými með hópi annarra barna á þínum aldri og sýna þeim vinsemd og virðingu þó að sumir séu alltaf með leiðindi og hávaða.
Að þurfa að taka þátt í skipulögðu starfi þó að þér finnist það ekki alltaf spennandi, að fara eftir öllum þessum reglum og smakka alltaf matinn sem borinn er á borð. Að klæða sig enn og aftur í útifötin og fara út í frost, rigningu eða rok. En svona er lífið nefnilega. Það er allskonar og í leikskólanum læra börnin svo ótal margt sem þau búa að á leið sinni í gegnum lífið.
Dóttir mín lauk formlega leikskólagöngu sinni í dag þegar rúmlega fjörutíu börn fædd árið 2018 voru útskrifuð úr Ársölum á Sauðárkróki.
Ég er innilega þakklát þeim fjölmörgu sem komu að því að gera leikskólagöngu hennar farsæla og ánægjulega.
Takk fyrir að sýna bæði börnum og foreldrum mikla þolinmæði.
Takk fyrir að snýta, skeina og skipta um bleyjur.
Takk fyrir að hughreysta þegar háværir, rauðklæddir menn í stígvélum komu óvænt í heimsókn.
Takk fyrir að hlusta á sögurnar. Þær eru margar, misgóðar og sumar mjög langar. Ég álasa ykkur ekki fyrir að hafa stundum misst þráðinn.
Takk fyrir að þrífa leikskólahúsnæðið. Það er miklu notalegra að sitja og leika á hreinu gólfi.
Takk fyrir að strauja perlurnar. Það er hvorki einfalt né skemmtilegt verk.
Takk fyrir að leggja hönd á plóg í foreldrafélaginu. Sjálfboðaliðastarf sem er mikilvægt og stundum vanmetið.
Takk fyrir að efla hljóðkerfisvitundina. Það var kannski ekki spennandi að klappa öll þessi atkvæði en það mun hjálpa börnunum að læra að lesa.
Takk fyrir að vinna með grímu í marga daga í heimsfaraldri og finna leiðir til að halda leikskólanum opnum.
Takk fyrir að skrifa vikupóstana. Það var svo gaman að lesa hvað þið höfðuð fyrir stafni.
Takk foreldrar hinna barnanna fyrir spjallið í fataklefunum, á leikskólalóðinni og í íþróttaskólanum.
Takk fyrir að minna okkur á að koma með fleiri bleyjur, aukaföt, stærri regngalla og föt fyrir græna daginn.
Takk fyrir að hvetja þau til að smakka matinn. Og takk fyrir að elda og hafa til allar þessar máltíðir.
Takk fyrir að halda lóðinni og leiktækjunum við.
Takk fyrir að hjálpa þeim með samskiptin. Það er ekki einfalt þegar öll vilja leika með rauða bílinn. Eða þegar einhver má ekki leika með hinum.
Listinn er ekki tæmandi.
Það er ekki alltaf auðvelt að vera foreldri leikskólabarns en með allt þetta fólk með sér í liði er hlutverkið svo miklu skemmtilegra.
Fyrir mér er leikskólinn ekki geymslustaður. Það er staður þar sem börnin okkar fá að vaxa og dafna á líkama og sál. Þau efla félagsþroska og seiglu og öðlast smá saman meira sjálfstæði, getu og færni til að tækla hin ýmsu verkefni sem lífið færir þeim.
Kæra starfsfólk Ársólar og Fífuborgar í Reykjavík og Ársala á Sauðárkróki. Kærar þakkir!
Lára Halla Sigurðardóttir
Höfundur er þriggja barna móðir og íslenskufræðingur.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.